Catanduanes Forum

An ladawan mo an pirming asa isip;
Pinapagirumdom kan kita pa magkataed;
Pirit mang lingwan an hamis kan ngirit;
Na sa puso padagos na minabalik.

Sagitsit nin duros na garo musika;
Hamis kan tingog mo an dinaradara;
Pan-o malilingwan an sarong daraga;
Kun sa lambang burak naheheling singkit mong mata?

Pan-o malilingwan sakong namomot-an?
Kun ika an rason sa pagyugyog nin daghan;
Sa hugot na kugos, sa hadok na ung-siram;
Ogmang minataros hanggang tul-ang.

Sa paglakaw nin solo duman sa baybayon;
Sakong naheheling an saimong simpleng gayon;
Lambang pagbutos sa manga panganudon;
Pagmate ko kaibahan ka pangaran mo natutuom.

Pan-o malilingwan sakong namomot-an?
Kun ika an rason sa pagkabuhay sa kina'ban?
Sa hugot na kugos, sa hadok na ung siram
saimong puso na an mahapot kun pan-o ako malilingwan;
Mundong minataros hanggang tul-ang.

(Kantang paboritong kantahon kan samong tropa kaidotong College days nimi. Ako naggibo nin lyric si Jepoy tarrobal ang nagkanta buda nag-arrange. Love song ini para duman sa dating GF na ngonian agom ko na; May Aguilar-Torres))