Catanduanes Forum

LÀBAG

Puesto! Arriyyya! Berga! Puesto! Arriya! Bomba! Puesto! Arriya! Granada! Puesto! Arriya! hijo de kabra! Iso to yo sabay sabay na iga kagrat ning mga trabahador pag usar ning martinete. Magubat tong bakal na piga gamit para makatusok ang mga poste ning dike. Gabor bago yo murhing kagsing, pwedeng muda, bagay o personahe na may tunog arriya.

Ninyo panahon na iga gibo pa sana yo dike, nangga escape kami ninyon sa treyd para mag sado sa paaranodan pono sa mananaw hanggang ising. Pirme pa sanang làbag ang sarog ninyo mga panahon. Bihira pa magbaha. Pero sano yun na nag bakasyon ako, nagamo ko sa nakita kong baha. Sang dangaw na sana sa dike, maburos na sa banwa yo baha. Bokong kangangalas na magbago ang buros ta ninyon pa may mga para lagadi na talaga. Ga kung pilang ardaw bago maotod yan mai mo nakukugos na naga ta lagadi pa sana yo gamit. Pero yo pag abot ning mga ilaga nyo dekada otsenta, doon nag pono yo biriyoan na pag otod ning mga yakal narra boda bahi. Hanggang darhon na yo mga chainsaws na nakapadari sa pag ogrot ning kahoy sa parik, sagatik, layog bunga, porot boda kong siin siin pang harayo sa panànaw.

Kamomorong na isipon na ang ibang taho ga igot maghanap ning tugas na ipukpok sa ibang mga taho. May mga gapatago sa tikong badil para mag hàbon sa yaman ning bukid. Kung may SOP sa gobyerno, ikan man ang mga ilaga ning permit para sa mga lagadi boda kahoy. Bukod yun sa piga bantayan nilang bilyon sa circumferential road. Habang may sesementohon ma danay ang SOP. Habang may kahoy, habang may rough road may mangarag karag na tikong prinsipyo. Habang ang taho maing pakialam sa pag ako ning basura, malabog ang mga ilaga sa làbag ning kamorongan ning katahohan.

Ang làbag sadong patanid na mai dapat pag basang-basangon. Ang làbag pagilomdom sa pag pono ning pagtupag ning mga kustombre na mai kayang akoon sa patas na pag abante ning klaradong isip ning kada sado.

Ilaga – salot
opa - old peoples army, empty, maing loog, isasabod