AKO AN SAINDONG BOBOTOHAN

man-uukag's picture
Submitted by man-uukag on Fri, 01/29/2010 - 6:04pm

AKO AN SAINDONG BOBOTOHAN
ni Man-uukag

Sigurado ako, ako an saindong bobotohan
An pagkatawo ko dai nyo dapat maaraman
An kaluyahan nyo haloy ko nang naiisihan
Ining eleksyon, iyan ang pagraralabanan

Anong pakilabot nyo sa saku’ng kamatidan
Basta kamo, iyo an sakuyang babayadan
Dai akong pipilion joven o gurang ka man
Basta gusto nin kwarta, sakuyang tata-wan

Kaya s’yerto na an saku’ng kapangganahan
Maglaom kamo na gabos magirumduman
Arug baga kaiyan an satuyang pag-ibahan
Ta yaon ka baga dyan, dahil ako digdi man

An mga proyekto halaton kun igwa man
Bantayan sana nindo tibaad magulangan
Dai magngalas kun ako permi sa luwasan
Ta igwa akong ibang pinagkakaabalahan

Kun ako minakanta asin nakipagsayawan
Sobra-sobra baga an sainyong kaugmahan
Pati an gastos nyo sakuyang binabayadan
Bawi ko ‘yan pag ako na an nasa tukawan

Kaya ining eleksyon sisay pa an bobotohan?
Tanghaw nin kalaban ko o ining wantawsan
Ini daw na si ninoy dai nyo magirumduman?
Sigurado ako, AKO an saindong bobotohan!!!

Photo by: worth1000.com

AKO AN SAINDONG BOBOTOHAN

haka-haka

man-uukag's picture
Submitted by man-uukag on Sat, 01/30/2010 - 10:24am.

An obserbasyon nin kadaklan manungod kaining maabot na pirilian sa mayo 2010 iyo an mga minasunod.

Sa puwestong pagka-gobernador tapos na daa an ralabanan. Dai man daa nin pagpipilian an mga botantes ta pareho man sana an kaluwasan kan botohan dahil sa minasunod na mga rasones:
1. Pareho daang DYOSEP an pagpipilian nin mga tawo;
2. Pareho daang “nakatukaw”;
3. Pareho daang Administrasyon;
4. Pareho man daang Oposisyon;
5. Pareho daang igwang bala:
a. Kun gusto daa nin plata, COA sana daa kamo duman sa saro
b. Now ip yu nid sam mani, JAZ go to de ader wan.

Sa puwesto man daa pagka-kongressman, apat sana an pamilian nin mga tawo na iyo an minasunod:
1. PLATAPOMA – igwa nin magayon na plano sa saiyang panggo-gobyerno;
2. PLATA – igwa nin kadakul na kwarta na ipanaltag sa mga botantes;
3. PORMA – igwa nin porma na ipanghambog sa mga tawo; asin
4. None of the above – dai nin gabos na namensyunar sa itaas.

Kun sisay an mga personaheng namensyunar sa itaas, bahala na tabi kita gabos na mag-atid-atid...