Catanduanes Forum

Ninyo maghari ka tayon ta mai ka lamang nag paaram? Mai mo aram kung painano ko nagmaraymay. Isipon mong mai ako nagparigos ning tatlong ardaw ning kaiisip saimo, kung mai pa ako nagdasar baka angsod na sana ang imong babarikan. Mai mo lamang namate yo akong namatean. Papano ko pa isurit tong ginisi mong puso. Ginibo ko man gabos para ma mantenir y ma sustenir ang atong pag ibahan pero tayon ta ang mate ko ikan ka na bagong kaibahan? Gilomdoma daw ninyo ako ga pasyar pa ako saimo. Bubong pa lang ang makita ko pwede nang ipaparibod. Inistorya ko na baga to saimo. Nagilomdoman mo yo pilang potos na kornik na igapadara ko sa baray nyo na maski ngani mai iga pakaon ni mamay mo ta baad da pinaligid ko sa lumay kinaon mo pa man syempre. Ninyo nag suno ko sa payong mo baga baga kita nakuryente ta primerong namate ning abaga ko yo imo ta mas harangkaw ka pa ninyon. Nagilomdoman mo yo ga panaw panaw kita sa baybay habang piga dungog ta yo musika ning su-oy boda mai ta aram kung siin kita mapunta. Kung mai ka ngani takot sa konggot baad doon ta ginibo yo primero tang pisngak. Ninyo masolo kita sa mangbang ta pina enot ta yo atong mga kairiba hamak nang siram ning ga ligid sa baybay habang igahari ning akong ngodor ang baybay sa imong kimot. Mahar taka pa maski inarog mo ko ninto. Yan pagkamoot ko saimo aram mo man baga na maing katapusan, na kung susukaton o pupuntahan mo ngani ang kalipungawan sa dagat mahahangop mo ang agonoog ning maing katapusan. Ardaw gabi gahurat ako saimo. Arog ninyan ka dayupot ang pagkamoot ko saimo.

Tayun baga ta naghari ka? Para naki pai cue ako madari pagbarik ko mai ka na. Boko man baga akong para sugar, para nag porbar ako ta sabi swerte da ang ga sugar sa lamay ning imong parientes. Ona husto man baga ta guminana baga ko ning beinte mil. Maka gibo na kita ning buya sa halagang to-o sobra sobra pang pang kapital. Binayadan ko na ki entong yo utang ta ta kauuyam pag nahingaw iga par pamalita yo sangribo tang utang. Madyag sana ta naresibe ko ki esting nintong ardaw tong surat mo. Ninto ko naintindihan kong tayun ta nag hari ka. Sabi ni boboy ibakar mo da sya ning dyolen boda laser gun. Piga parhanap ka na ninto yan. Mai ko na muna to pina adar ta pirmeng naki ponite sa eskwelahan. Sana mabuo ulit ang pamilya na atong sinumpaan sa altar. Ako maski mai mo na pag bakran ta ang importante sa ako ikaw. Huhuraton taka sa ardaw ning imong pag paribod maski magka murukrat ang mata ko sa tyangdo. Ta ano man ang halaga ning pagkatorog kung mai ta ka man makikita sa akong pagmata? Basta bago to gabos mai mo lamang pag pasubri yo imong hamot ta demontres limutan mo na ang pagparibod.

Konggot – short cut papunta sa canlubi, bukid na binuhang ning daran. Iga takutan ta ikan da ga digar na pading pugot.

Mangbang – beach, pinaghalong tubig ning dagat boda suba. Ekskursyonan.