Catanduanes Forum

"Raya"

Mur-iton na kalsada
Bulsang basog nin kwarta
Ano an igwa, ngata ta igwa nin pila?
...Pestebal na baga', an kwarta 'sa Parada!

Mur-iton na kalsada
Bulsang basog nin kwarta
Ano an igwa,ngata ta igwa nin pila?
...Eleksyon na baga', an kwarta sa balota!

Mur-iton na kalsada
Bulsang basog nin kwarta
Ano an igwa,ngata ta igwa nin pila?
...Fiesta na baga', ga uran nin kwarta sa pantomina!

Mur-iton na kalsada
Bulsang kiyom an kwarta
Ano an igwa, ngata ta igwa nin pila?
...Gakadurom na baga', gakuriyat na nin mahab'on na wara sa selda!

Mur-iton na kalsada
Bulsang gursok sa kwarta
Ano an igwa,ngata ta igwa nin pila?
...Binagyo na baga', nanaltag nin kamiseta!

Mur-iton na kalsada
Bulsang abuloy an kwarta
Ano an igwa,ngata ta igwa nin pila?
...Dapit na baga', ki Nang Pila na nautsan mukrat an mata!

Mur-iton na kalsada... Labaran ka na'!
Tahi'on an bulsa, para dai na mag nga-nga!
Pila nin gustong magkugos saimo-- puros man mantsa!
Oracion emperata na an dapat para mapatud na an RAYA