Catanduanes Forum

(Original story by Dave)
Estoria to ni de puntong Nang Concha (Hesus, Hesus, tabangan nin Dios) del Timbaan, San Andres.
Ga irus-irus na ning pamanggi yo mag-asawang Tang Goryo buda Nang Gorya. Ga agaw yan durrom buda liwanag sa subsuban ninyo mag magtunog ning alas seis.
Kleng! Kleng! Kleng! Klng! Kleng!!!!!!!!!!!!!!!!!!!!!!!!!!!!!!!!!!!!!!!
“Goryo... butsanan mona daw ngo’na yan pag tiak mong yan ta ma alas sais kita, madurrom na pati.baad yan samail mo yan matiak mo” (pigtunong na yo pag tiak nin kamanggos)
Sabay luhod sa natindogan sa ikan dapog nin kilang barray-barray..si Tatang Goryo ga luway-luway man pagsakat.
“Angelus domine nunciabit Marie. …” sabay tingarog sa atop ning kilang baray. Ta madurom na, naka tanaw ning harrawig na bagay na ga bitay-bitay sa gapian. “Goryo, Goryo... hoy Goryo”
“Et concepit et Spiritu e sanctu… ano nang ga dasarr…” sabay luhod sa kataning ni Nang Gorya.
Habang piga tanaw yu harrawigon na ga bitay-bitay, paluhod na tuminaning si Nang Gorya ki Tang Goryo. “Dios te salve maria llena eres de gracia … Goryo ta’nawa daw ta baga harras yon ho, gakarunkon sa gapian …. el senior es contigo…”
Hing-hing ni Nang Gorya ki Tang Goryo. “Ahin man Gorya? mae ko man natatanaw nin turrtorr.”
“… bendeta tu eres entre todas las mujeres… ata Goryo, hanyon ho, baga ILAGO na ga kitay-kitay sa gapian… e bendeto es el frutu… ata hanyan baga sa itaas, tingarrug ngani… de tu vientre Jesus.”
“Sancta Maria madre de dios… ano man yan marsok mo… lubid baga. Pag dasarr sana dian… ruega por nos otros...”
“Lubid yu sugok mo! Piga tarraman na. butla'a ngani Gregorio ta gahiwas. Lubid man na ano?”
“… pecadores ahora en la hora… ata me ko nabubutla. .. de nuestra muerte Amen. Ahin bagang lintian na harras na yan. Atang ga dasarryan tahoo.”
“Et verbum caro factum est… hanyon sa baya sa gapian! Ga karonkun baga. Itom na harras Goryo!”
“Inovitabit e nobis… maga ano man yan haras dian! Ata baya yu lubid yan.”
“Dios te salve maria llena eres de gracia… ata baya ga hiwas. Lubid mag kasta ka hias… el senior es contigo bendeta tu eres… mukrata ngani yan marrsok mo ta sisibaon na kita mae mo pa nabubutla… entre todas las mujeres e bendito es el fruto de tu vientre, Jesus… ata hanya baga!”(pig turo)
“Santa Maria madre de Dios… boko yan na harras… ruega por nos otros”
“ una ano yan aber... kasili?” (baga uyama na si Tang Goryo)
“…pecadores ahora en la hora… pagdasarr sana ”
“ ta’yon mahurrat parran kita na singuton?”
“… de nuestra muerte, Amen… pagkalinibok mo magtunong ka.”
“Ecci ancila domine… sarrala na pati yu piga dasarr ko.”
“Fiat mihi secundum verbum tuum… buaya ka kun ano-ano pano yan piga butla mo.”
“Dios te salve maria… SUS MARYUSEP! Hu Goryo, HUMINIWAS NANAMAN BAGA… LLENA ERES DE GRACIA…”
“Ay iso HARRAS!”
Sabay yu mag-ubon ka atras palohod.
“El senior es contigo bendeta tu eres entre todas las mujeres… Gregorio ga ano ka pa? Damoagka na don ka kua yu tabak! Inda man, ga nganga nin katurog?” kabukab si Goryo ka lampaw ta kukuon yu tabak. … e bendeto es el fruto…”
Luminuhod si Tang Goryo sa kataning ni Nang Gorya kupot-kupot yo tabak.
“de tu vientre Jesus… hanyon, hanyon... ata hanyun! , diyan.... sigi... TIGBASA NA!”
“Santa maria madre de dios ruega por nos otros pecadores… ahin na? mae ko na natatanaw kadinurrom! … ahora en la hora…. kuaha daw Gorya yo patintihan dariiii… de nuestra muerte amen.”
“Ora pro nobis santa dei genetrix… inda buko akong mahiwas dito para butlaon singuton pa ko? patal ka…”
“Ut digni efficiamur promissionibus Christi… ata pa’no ko man matanaw na madusrom” huminiwas nanaman yu harras…
“AY SUS MARYUSEP NA HURRAG… BUAYA KAHURAY SANA!! KASTAHAN MONA KATIGBASA! … Oremus. Gratiam tuam, quaesumus, Domine… hanYon, BAGA, HU!… hUMINIWAS NANAMAN baga… mentibus nostris infunde”
“Mae ka ngani magpararatiwatiwa ta matupas yan hurag na yan …”
“…ut qui, Angelo nuntiante, Christi Filii tui incarnationem cognovimus… TIGBASA NA! ano pang TURO-TANAW mo dinyan? KASTAHI NA!!! Kahinuray nina ka bibiyaw nin palas na yan! Tirahon mona ka tagaa!”
Tinigbas ni Tang Goryo yu ga kitay-kitay na haras…SWISHH! mae tinamaan!
“…per passionem eius et crucem… ay sala Goryo!!! asa wala mo… ad resurrectionis gloriam perducamur… dian sige, tigbasa na baya!... Per eumdem Christum Dominum nostrum. … ga ano ka pa ta mae mo pa piga kastahan ka tagaaa?”
"Amen... paghurrat man ngani sana dian, ano nang sihong panong mae gatunong ning tilwa!"
Tinaga otro ni Tang Goryo. Sentro! Utod! Luminasik yu kautod sa atubangan ni Nang Gorya… na nakaluhod pa.
“AAAAAAYYYYYY BUNGAWWWW... MARYUSEP..... Gloria patri et filio et espiritui sancto… Hesus, hesus, hesus Goryo!!!”
Sabay lukso ninyo pobreng kurasmag na ga agrangay nin hapdos! .....MEOOOwwWRRrrk!
“… ano yan Goryo kuRAsmag parran!”
“Sicut erat in principio, et nunc, et semper, et in saecula saeculorum. Amen…. ESU Gorya kurassmag parran… baa'man Dios ko patawada ako.”
“Gloria patri et filio et espiritui sancto… Goryo ta kinastahan mo ka tigbasa yu okig nin kuting?!”
“Sicut erat in principio, et nunc, et semper, et in saecula saeculorum. Amen…. sabi mo baga Gorya tigbason ko, di tigbasa! anoManto mae kitang tamaan sa imo.” (piga hapihap yo tadom nin tabak ta baga ibarik na...kuminiling sa ikan dapog ta doon nag tupas yu kuramag)
“Gloria patri et filio et espiritui sancto… kuta’na tina'naw mo ngona bago mo kinastahan ka tigbasa .. ayam ka. Buko ka man sana kutanang tira nin tira.”
“Sicut erat in principio, et nunc, et semper, et in saecula saeculorum. Amen…. Pagturrtorr dian Gregoria ta ikaw yan nagsugo na tirahon ko ka tigbasa… Mae man kitang tamaan sa tahong too puro sana salla yan gibo ta.”(nag luda sa luwas nin bintana)
Sabay panguros yu dawhang pobreng mag-asawa…(nakaluhod pa...mae na tinabangan ni Tang Goryo na magtindog yo Nang Gorya)
“In nomine Patris, et Filii, et Spiritus Sancti. Amen”
“Gorio, ayam ka kahelak man yu kurasmag!”
Suminimbag pa....|”kahilak yu kasta mo!”

A----M----E----N

bikol-Payo catanduanes funnies Dave's blogs kaguguro kawor's blog Add new comment 37 reads Send this as a postcard Write to author
Enjoy the serene beauty of our island, savor our unique cuisine, experience