Catanduanes Forum

SUMSUMANON TA MGA TUGANG, NAG-UM KAN ORDINANSA
NA PINADRENOHAN SA SP, KAN AMO NIN MGA KAPITANES TA
MADAGDAG KAN KIKITAON, SA KABAN KAN SATUYANG ISLA
MAGAYON NA PAGHELINGON, AN PUNDO NITA MADAKULA

ALAGAD HURUP-HURUPON TA, AN EPEKTO KAINI SATUYA
TA BAGI BAGANG TIRIKO, KUN SA LANGOY BAGING TIKAYA
KUN SA GATAS MAPUTLA, Y SINTUNADO KUN SA PAGKANTA
INING PROPONIDO NI MIDEN, SA PANLALAWIGAN NAIPASA

UYUG-UYUGON MONG MULTAHAN, KUN MAY REKLAMO KA
O TA KUN NABIKTIMA KA BAGA, NIN MGA OPISYALES TA
IHANDA AN QUINYENTOS, MAGDISPONER KA NIN KWARTA
BAG-O KA MAGDESISYON, NA MAGREKLAMO SA SAINDA

BAKO DAW “DISCRIMINATORY”? A-PABOR SA MGA KAKOSA
SIISAY PA AN MAREKLAMO, KUN BULSA MO MAHUHUWA
TA SA PANAHON NIN PAGTIOS, AN QUINYENTOS DAKULA NA
KUN BABAKALON NIN BAGAS, INI SA KABANGANG SAKO NA

ANO DAW BIYOON TA LUGOD, AN PAGHANAP NIN KWARTA
PATI NA SA KAPITOLYO, MAGNEREGOSYO NA LUGOD KITA
GABOS NA MAGRALAOG, MAG-ENTRANCE NA SA GUARDIA
BEINTE PESOS KUN IKA BOTANTE, DIES SANA KUN JOVEN PA

KUN AKO AN HAPUTON, MAG-REWARD SA REKLAMADOR
ANOMALYA DAI MASUNGAW, TA GABOS BAGING TORTOR
LALO TA AN IBA SA SAINDA, AN KAMOT MGA MAGATOR
MGA MAHIHILIG MAG-SHOPPING, MAHIHILIG MAG-TOUR