Catanduanes Forum

uso ninyon sa ato ang mga dawit-dawit
lalo sa pagtiripon nganing gabos magturiik,
sa katagalogan balagtasan ang gamit
pero dito sa ato pwede na ang pasor-sambit.

sa mga pistahan pati, uso ang "bilada"
mga palabas na kung boot man "komedya"
mga gurang ninyon sa mga kasurgan malaba
sa sarog na malinig, ilabahan ang bistida.

mga soltero maharagot ta mabayle, maparada,
iluwas mga pantalon, trobenays boda kamiseta.
maanos-os na hangop ilabahan sa sabon na 'perla'.
baga 'taryan' ang kolor pero ninyon daa mabisa.

dawha ang sabon na sa ako popular ninyon
ikan pang 'acme' sa mga klase nin sabon
mga pomadang di- pildit iso daa ang magayon,
mabotang pa sa bulsa nin 'tangid' ay mahamoton!

mga pistahan ninyon pirmi sanang maogma
mapabuno nin orig, karbaw man o baka,
yo maing bunoon mamaratik ,masudyang na sana
mga karneng upon, usa, masiram maski mahangos na.

ninyon pati mai ga para laom sa gobiyerno ta
basta ikan kang uma sa tara,sa gubat sa intuba,
maski sa karangonhan ikan laon na malubog ka
mga paraoma ga 'haraha sana' kung galutaw na.

kaya mga viganon sige sana ang abante ta!
sabi nin mga gurang "mai pagpakusogon ang luya"
ano man ang remalaso sige sana ang kusog ta
gobyernong pigatatsaran...gibo ta man sana!