Catanduanes Forum

I'm pulling this up for us to start the project going. Watch out for some information coming.

dave

Ang “Krismas.. Dream ni Andoy”, isang proyektong mula sa malikot na ideya ni Taypongard, ay isang pamaskong handog ng CF para sa mga mahihirap na mga bata sa Catanduanes, upang kahit na papaano’y maibsan ang nararanasan ng mga itong lungkot sa tuwing sumasapit ang Pasko sanhi ng kahirapan.
Ang proyektong ito ay dating inilaan para sa batang si Andoy bilang paggunita sa nakaraang sakunang matinding pagbaha na dinanas ng Pilipinas, lalo na sa Metro Manila, sanhi ng bagyong Ondoy.

Sa proyektong ito, ang batang si Andoy ay sumisimbulo na rin sa lahat na mga bata sa islang Katandungan.

Naantala ang pagsasakatuparan ng proyektong ito, na dapat sana’y noong Desyembre ng nakaraang taon, dahil sa pagpapatupad ng naunang proyekto ng CatanduanesForum.Com (The Fist CatanduanesForum.Com Poster Making & Essay Writing Contest) na isinabay sa selebrasyon ng Catandungan Festival 2009.
Sa pakikipagtulungan ng bawat isa sa atin dito sa CatanduanesForum.Com, inaasahang maisasakatuparan ang proyektong ito ngayong darating na Pasko taonng 2010.

Proseso ng Pamamahagi:
Pipili ng mga facilitators mula sa mga miyembro ng CatanduanesForum.Com (CF) na siyang magsasakatuparan ng proyektong ito.
Ang mga facilitators ng CF ang siyang pipili ng mga bibiyayaang mga bata (ang bilang ay depende sa mapagkakasunduan dito sa CF, ayon na rin sa malilikum na mga bagay na maaaring ipamahagi), edad mula lima (5) hanggang sampung (10) taong gulang, at mula sa mga mahihirap na pamilya sa kumunidad.

Ang imbitasyon sa mga bata ay ipapadala sa pamamagitang ng mga Social Workers o dili kaya’y sa mga opisyal ng mga lokal na pamahalaan ng lugar ayon sa mapagkakasunduan sa CF.

Kinakailangang may sertipikasyon ng mga nasabing Social Workers o opisyal ng lokal na pamahalaan, na ang bata ay mula sa mahirap na pamilya, sa pamamagitan ng isang pagpapatotoo sa isang kasulatan na ibibigay ng mga organizers.

Tanging isang bata lamang sa isang pamilya ang maaaring makatanggap ng anumang ibabahagi ng CF sa proyektong ito.

Mga bagay na maaring ipamahagi ng sinumang miyembro ng CF na nais makilahok sa proyektong ito:
1. Mga laruan - maging bago man ito o luma (kinakailangan lamang na maayos pa ang kundisyon ng mga ito at maari pang paglaruan);
2. Mga damit o kaya’y sapatos - bago man o luma (kinakailangan lamang na maayos pa ang mga ito at maayos pang gamitin);
3. Pagkain - kinakailangang mga naka-pack ang mga ito at hindi mabubulok hanggang sa mga oras ng pamamahagi nito;
4. At iba pang mga bagay tulad ng mga libro, tsinelas, at iba pa na maaring pakinabangan ng mga bata.

Ang mga Donor na Lalahok sa proyektong ito ay tatanggap ng abiso, patunay na ang kanilang mga ibinigay ay kabilang sa mga ipapamahagi sa proyektong ito.

Ang pamamahagi sa mga mabibiyayaan ay idu-dukumento at ilalathala sa isang local na pahayagan at maging dito sa CatanduanesForum.Com.

Sa pagtatapos ng proyekto, magkakaroon ng ulat sa mga naging resulta ng anumang gastusin, imbentaryo ng mga bagay na ipinamahagi, at talaan ng mga nabiyayaang benepisyaryo ng proyektong ito.

Pagkakaisahan dito sa CatanduanesForum.Com kung ang pamamahagi sa proyektong ito ay gagawin sa pamamagitang ng:
1. Pagbibigay sa mga bata sa mismong lugar na kinaroroonan nito;
2. Pagbibigay sa mga bata sa pamamagitang ng isang ilalaang programa sa Christmas Cheers na ginaganap sa Virac Plaza Rizal tuwing sumasapit ang pasko; o
3. Kaparaanan ayon sa mungkahing matatanggap ukol sa pagpapasunod ng proyektong ito.

Hinihikayat ang anumang mungkahi o suhestyon, komento, at reaksyon upang lalo nating mapaganda ang pagpapatupad ng proyektong ito.

Paalala: kinakailangang pagkaisahan nating kung kailan, saan, at kung papaano natin ibibigay ang ating pagkalinga sa ating kabataang si Anduy.

Ibigay po natin kay Anduy ang ating pagmamahal ngayong pasko...

Mabuhay po tayong lahat!!!