Catanduanes Forum

DUAW NA
HAMUS NA KITA SA SATUYANG MGA BARANGAY
KUN SAIN MANANAMITAN AN SIMPLENG BUHAY
BASTANTE SA PAGKAON SARIWA AN MGA GULAY
MINAAGI AN PANAHON NIN PALUWAY-LUWAY

DUMAN PERMING MAUGMA AN MGA PAMILYA
MINALIPAS AN ALDAW MASKI KAPOS SA KWARTA
PAGAL SA MAGHAPON TA DOBLE AN PAGHINGUHA
TANGWAY SA BANGGI SARONG BOTENG HINEBRA

SA KABANGGIHON SAINDONG MADADANGOG
INAGRANGAY NI ‘PAY SA MALUWAY NA TINGOG
MGA SIMPLENG ATID-ATID ALAGAD MALAOG
TIBAAD IBANG PILITIKO SAINDA PANG MADAOG

MINAIBA SANA INI KUN MAGLAOG SA ISTORYA
INING MAPADAPIT SA MAATI NITANG PULITIKA
INING MGA PAMPAGULO MINADUAW NA SAINDA
NABU-BUA AN IBA TA MINA-AMYO AN KWARTA

NABUYONG AN IBA SA UMINAGING GINATOS
RIWOY NIN BIYO KUN RIBO AN NAKA-AMPOS
DAI MO MAN MABASOL DAHIL SA NAGTITIOS
MAKABAKAL LAMANG NIN BAG-ONG SAPATOS

AN MGA TENTASYON SIGE NA AN RULUWASAN
GINIGIBO AN GABOS DAI SINDA MARINGWAN
LATAW SA OKASYON KUNTUDO DE PIKTYURAN
MINAKANTA MINASAYAW LUWAS AN KAMATIDAN