DAPOG

bahi's picture
Submitted by bahi on Sat, 05/23/2009 - 12:31pm

Kada semana sa sadong buran mai ko napapasipara na mag mangno sa mga kanigo-an sa among cocina.Pag pono pa ning pagka bata hanggang sa akong pag sarig ikan ako dwaging gotor na magi sip mag pilsi maski ano-ano na sana na pwedeng gamoson. Grabeng cendencia ning karaga kaga man yan akong nagigilomdoman pag naiisip ko yan among dapog ninyon.

Nintoyan yan among cocina mai na ga aso. Mai na nahuhubasan ning luto-on.Kumpleto sa mga recado na hari pa sa iba ibang lugar. Minsan nabibisita pa ngani ning mga kamaradas na gradwado sa culinary arts. Malinig, masarig boda suroon yan gamit.Pero maing oras sa akong pag luto sa among magayon na cocina na mai ko nagigilomdoman yo dapog namo ninyon.

Sa among dapog ko man naadaran yan pag kuti kuti, pasencia boda higos. Grabeng mahayahay na istorya sa among dapog. Pag pono sa abo, kinatam, kawa, kaldero boda kawari, manok manok, upa, mga utanon, doma, preskong mga isda, raja na naka pamutang sa ilarom ning dapog, tapuyas ning habagat, tapayan na natural yan namit ning tubig boda lipot, kawayan na hugasan boda sabitan ning baso, pang dosog na tini-ak, boda pinangahuyan na palo maria boda marbago, tinipon na gamit na lana sa baso, mga boteng ikan taringa boda darudo ning suka, balaw boda inasin na preskong kuyog na may langkawas, nahanak na pambangot na inagonan na tapa boda dugang na isda, ga tubig tubig na asin sa boteng mahanglas ta natatapsikan pag ga prito ning ilid ilid, ariw sa bubong na tikrad, linino na hasok na bagas sa adobo, daro-darong linubihan boda paging sinugnot, atulay na ga parigos sa arsom ning iba boda portok ning lubi, kanoos na nag hawas ning madari sa lana, inihaw na surahan boda minsan ti-os.

Sa akong pag gilomdom sa dapog, sa gabos na pag amak, pag hayop, pag ukag hanggang sa pag luwag baga man sana pagka buhay; ma trabaho para may makaon, masakit mag amak para ikan iluwag, mahugas ning hugasan para mai mag hangos sa masunod na harabhaban.

Kung anong hibog ning abo sa dapog, iso man yan serbisyo nintoyan sa ato. Pag pono pa pagkabata sa pag sterilize ning atong mga gamit hanggang sa pag init ning tubig na ikidkid sa orig sa pag tapos mai lamang ga palya sa kiyang pag serbisyo. Pag inamakan siguradong ma aradab adab, pag sinibo mapa hingaro.

Sa aga sa akong pagmata mapa gibo ko ning dirty kitchen ta iso na da to yan bura sa dapog. Makanong pag goro-an akong ning akong kaubay sa baray. Basta ang importante pag nag kaon ako ning atulay dapat ang gata kinudkod sa kudkudan boda pag prinito dapat sa gamit na lana boda pag nag on-on dapat ang suka hari sa bote na ikan taringa.

‹ A letter from an Indian mother to her son. TOKLONG ›

dapog

Submitted by kurangot on Sat, 05/30/2009 - 1:56pm.

bahi..kadakran asa dapog man pigada-il yan pugadan ning parunakan ta dagdag yan init ning dapog sa paghilorom. kung sige-sige yan pakarab, maing swerte interong sugoc human ka paso, mai nahihimuhan ning isiw. minsan man, pagkinarag yo parunakan sa libok ning ukag, biglang malukso doon sa pigaluto, urura gabos, sibo yo karayo, amak otro.
problema yan dapog pakatapos ning bagyo ta yo mga raha, palo maria, puro labo. si manoy mong iming, nangudto, nahumanan ning tinugon, una nakabagyo pa sana, tunong ngona yo pangaon. huray ning hurat hurat ninyo bagong tugon. hehehe.
inano

parunakan

bahi's picture
Submitted by bahi on Mon, 06/01/2009 - 7:20pm.

iso baga. ona yo amo ikan pa ngani sa silong ning dapog. inano pag ga kug kutak yan mga panlaki. sadong beses mahabon kutana si jr ning manok gamit yo plaka na iga sunog. onang ikan parunakan na ga sogok sa dapog. nag kurutak dakop baga. huray ta ka nang mai dito natitiyempuhan kurangat ha. naluyo ka baya. sige sana boy yan hunos!

iso melstan tama yun na ki dave. kaya lang sa amo sa pandan ang toril iga buhi-an ning mga baka. kung medyo pobre ka pwede man maki buhi basta maga tiga lidas ka lamang dun sa burod.

toril

Submitted by kurangot on Tue, 06/02/2009 - 8:09am.

ta naunabi mo yan toril, doon sa toril ni D.A. sa hiyop, summer, mainit na gulpi, yo mga baka nangagniwang daang gulpi ta yo mga awot na sabsabon nanggakadurugang. yu kabakahan isakitan turnon yo dugang na awot. inano. siguro malanit sa tutornan- baga siguro piga-agihan ning blade. inano. yan pagsabsab apektadong gulpi. grabing pamroblema ni D.A ta mga maluya na yu buhay ning baka. yu gibo daa ni D.A pigtitigsadan ning Ray-ban na antipara yu kabakahan, buda pausara doon sa mga baka. yu ta-naw ninyo kabakahan sa mga dugang na awot puro na green... hana saray bagay yu panabsab. hehehe...

inano

Dapog!

Dave's picture
Submitted by Dave on Wed, 05/27/2009 - 12:35am.

Kadakran na dapog ikan nin dawhang sungo. Ninyon na bata pa ako namamatean ko kun maogma o mamundo yan pag buhay sa pag tanaw sana nin sungo, buda sa pag masid sa huyom-huyom nin akong ina buda ama habang ga iros-iros nin pang haponan.

Pag natanaw kung medio masiram yan huyom-huyom, siguradong ikan yan nin madurdagdian na pang haponan. Lalo na pagdawhang sungo yan ikan nin gatong... ay nana... ikan yan nin masiram na isisida.

Pero kun sado sanang sungo yan ginatungan yan isip ko ninyan... baa si papa kasi mama mai pa nakaipos nin pangsida ta para sana sa tinogon yan ginatungan. Pag kuninyan yan nangyari, siguradong padaraganon ako ninyan nin pangutang nin kun ano na sana sa tindahan!

Pero kun bago mag gatong sa dapog, nag tiak ngona, buda dawhang sungo yan ginatungan, pinabakar pa ako nin pechay buda habang ga dangadang akong bitbit yan pechay madudungog kong ikan nin iga tuk-tuk sa baray... ay nana... makakakarne kami yan... he he he.

ibingan ka bahi... yai pagpar ka wara-wara... tirahi sanang tirahi yan imahinasion mo dian ka paandara!

Dave

toril

bahi's picture
Submitted by bahi on Wed, 05/27/2009 - 7:44pm.

ikan ako dave kutana iga pono-an na istorya. toril yan titulo. love story toyan. kaya lang siin ko daw pwede i post na forum? boko pa man pano to tapos mai ko pa ngani aram yan the end. paga tigkor kadigoon ko ka tapusa.masiram baga na mai ta aram kung anong mangyayari sa istoryang tooyan. ikan lamang pag abangan si lindz melstan boda adin.hehehe. pwede lamang daw akong pasuri-on ni str ning forum tungkol ditoyan kung boko man na magubat mag hagad.hehehe.

Bahi's Nobela... Abangan

Dave's picture
Submitted by Dave on Wed, 05/27/2009 - 7:51pm.

Tirahi sana dito ka purrta ta kami na yo bahala. Ibutang mo sana sa imong blog.

Dave

Toril?

Submitted by melstan on Wed, 05/27/2009 - 8:36pm.

Bahi, aabangan ko yang nobela mo. . . pero pasensya na sa pagka ignoramus ko, ano man tabi ang toril?

---------------------------------------------------------
catanduanes will always be in my heart!

Toril @ mels

Dave's picture
Submitted by Dave on Wed, 05/27/2009 - 9:12pm.

Toril... daga yan na piga buhian nin carbao. napalibotan yan nin barb wire... manlaen-laen ang size kaan... kung pobre ka, mga 1 ha. sana. pero ang turil nin mayayaman na grabe ang karbaw, sarong bullod!

Dave

Toril @ dave

Submitted by melstan on Wed, 05/27/2009 - 9:27pm.

thanks for the info dave. . . . another new word for me.. . .

at isang puntos din ito he he he. . . .

---------------------------------------------------------
catanduanes will always be in my heart!

Pakatapos nin imong naenot

Jorge O. Macenas's picture
Submitted by Jorge O. Macenas on Wed, 05/27/2009 - 3:05pm.

Pakatapos nin imong naenot na obrang JURNALISTA, sado na naman obra an sinurat mo Bahi.

Habang piga basa ko an manungod sa DAPOG, pagmati ko man asa dapog ga amak amak nin karayo para magsapna nin pamahaw. Ga no’no’ pati sipon ko kahahanggop nin aso habang piga kabkaban yung akong imahenasyun nin mga naka aging panahon.

Mabuhay ka Bahi.

kabkab

bahi's picture
Submitted by bahi on Wed, 05/27/2009 - 7:26pm.

hahaha! hamak nang iga kabkaban yan imahinasyon. maga baga baga yan hehehe. inano yan nono pag mai naaamak hehehe.masiram talaga yan ga huron huron na sado yan hina-rian. pare parehas ang namamatean ta. si dave kuhang kuha yo mundo ning dapog. kuhang kuha man yo ogma.

kahehelak yan mga bata ninto na mai naarisngawan ning dapog. kaya yo bata ko patrabahohon ko sa jollibee maka susod lamang mag himos.

mabalos sainyo gabos.

Ang Dapog!

Submitted by melstan on Tue, 05/26/2009 - 5:09pm.

Batid man akong magsap'na sa dapog pati man magluto ning bibingka, pero dae ako masyadong garani ta malang maaso at maiinit buda matap`og na syang kontra ning mga hapuon he he he....

---------------------------------------------------------
catanduanes will always be in my heart!

Dapog

Submitted by Truelies on Tue, 05/26/2009 - 11:06am.

Basta ang aram ko sa dapog dyan pigaluto yan sumsuman! ... kumboot sana pigaduhayan nin kusmag.

"Una gaano ka pa? ...Lukso na!"

Dapog Man

rudi-payonhon's picture
Submitted by rudi-payonhon on Sun, 05/24/2009 - 2:00pm.

Magayon yan Baray na ikan Dapog sa Loog pati sa Luwas nin Baray ta.Dirty Kitchen yan bura ta dyan pero pirmi man yan na malinig ta mas dakor yan piga luto ta dyan.
Pag abot nin aga bago mamahaw dyan kita ga painit nin kape o dati rice coffee. Odto hanggang Gabi puro dyan kita ga para himos-himos. Mas masiram yan luto sa dapog sa luwas kumpara sa mga bagong mga lutuan na Stainless steel tops at di electric.
Ano na ...ma kaon na kita?

Ahin daw yo kasilyasan sa luwas ta nabusog yata ako....
Bahi magayon yan mga tataramon n ginamit mo dyan ha. Salamat ta nagigilumduman ko pa man yan gabos.

"Look not what Catanduanes can do for you,but what you can do for Catanduanes"

darisdisan

bahi's picture
Submitted by bahi on Sun, 05/24/2009 - 10:33pm.

iso pading rudi ga tiga praktis man ako magtaram ning atong tataramon ta ona pagka inurag baga maging bonor. baad pati mag ngonor. si mamay pano ninyon sihungan boda si papay man darisdisan. pero sabi ni mamay kase papay pag naka luto na ako ning bokong lagtok pwede na akong mag solo solo. sa dapog ako enot nag iyak ning kahahayop.

ona marna lindz ta ikan ako dito prinitong ilid ilid sa agimas boda tibugok na linimunan.

lugaw na lagtok!

Submitted by lindz on Sun, 05/24/2009 - 11:03pm.

lindzeubranunez hello!
Nagilomduman ko grade 4 yata ako...
sabi ni mama marna nene ta mang lalaba kita sa sarog...
sabi ko habo ma iba ta nag uyok akong maludog u akong uro...
sabi sige nene, mag pahubon ka...
pero manugon ka!!!

Di pag abot alas 11 takad man ako bagas...
3 lata sa salmon, sa totoo lang un ang promero kong panugon...
untad ako sa atuban ninyo pugon sigi u kabkab ko para lumodab...
ang resulta LUGAW NA LAGTOK pa...
sa takot kong ungahan luwag ko so homay , ibinutang ko sa bakay...

Sa likod namo suba..doon ko ilinobong si humay...pwera "BUSONG"
yo pangawha kong tinogon boko ng LAGTOK pero LUGAW ang kinaluwasan...pwede nang pag tyagan HE HE HE...
YAN ANG AKONG ALA ALA " bahi sa DAPOG!!!!

dapog

adin's picture
Submitted by adin on Sun, 05/24/2009 - 2:15pm.

pagkatapos magluto.....huhukayon yo mga baga ta iilaruman nin kamote. pasibayan hanggang maupos you baga pagkinuribat mo na you kamote ikan kana inihaw....siram sana buda ikan na kinudkod na lubi buda sinangrag na burinaw na idukdok sa suka.

kamote

bahi's picture
Submitted by bahi on Sun, 05/24/2009 - 10:37pm.

ona inano yan siram habang iga pasa pasa yo kamote habang iga hayop. siram sana adin. ga darnak na yo lawoy ko pag naiisip ko toyan.

highlight@facial

adin's picture
Submitted by adin on Tue, 05/26/2009 - 10:13am.

pagtinood yo kamote. mainit pa ilapag don sa ibabaw ni dapog hahayupon mo tanganing maglipot sabay lupad you mga abo sa hawong mo buda sa buhok. my highlight kana sa buhok my libre pang facial. oh di social...