Catanduanes Forum

Uswag! Higos! Dunong! Asenso!
Ini an mga ika panuga' ko sainyo mga namumu'tan kong kaba-barrio.
Basta pangaran ko sainyong ipasiguro
na maisurat sa balota sa a-dies nin mayo!

Tutubison an kwarta, kusog, asin pondo
para haryawon kamo,maski sain na singit nin sitio asin barrio.
Sisyertohon na matukdor ko an ngilit asin tiwara nyo,
para masigurong sa labanan ako an Llamado.

Ibandera ko sa tinampo dangan idukot sa palibot an pandok ko.
Para dai nyo malingawan an sakuyang hitsurang maamo.
Poster na minataram nin ako an kaipuhan iboto,
ta ako an makatabang para sa ika asenso n'yo.

Arog kaini kadaklan an itsura nin kandidato
Na i-trato mo daang kaba barrio, padihon, amigo.
Pero matapos an kampanya dangan maloklok sa puwesto
Tapos naman an palabas mabutwa na an tunay na kolor nin pagkatawo.