Catanduanes Forum

Sa prumero mapait buda malanit, pero sa panduwa...pantulo...minayahay,minasilam dangan hahanap-hanapon mo na.

Ini ang sakuyang istorya kan perstaym kung pag hit-hit nin pinagbabawal (nin sakuyang magurang) na champion!

Grade 5 ako kaito kang pakanamit nin Pilipinas nin prumerong presidenteng babayi (Cory Aquino)...Pero ta dai paman ako kaitong pakialam sa gobyerno...Batas nin magurang ko ang pigapar-ingatan kung dai ma-balga. Batas na pagpuminalya ka makanamit ka diretso ning sintensya...Sintensyang ba-ba(pakor o bador sa norte).

Batas Pamba-ba blg 001- "Bawal mag-muda/samay...sa loob at labas ng bahay"

Batas Pamba-ba blg 002- "Bawal magkarigos sa dagat/sarog nin dai nagpaaram o kung daing kaibahan na gurang"

-Ini ang paboritong batas ni taypong...kaya pirmi kami kaito (kaibahan kang mga tropa ko) na plos huba nin kararigos, ta marang pararehas kaming violators kan batas na yan
...Salho...duwa...tolho...lukso - sa pier, back tumbling sa kabatuhan nin breakwater(tampad nin sea breeze), dive sa ilarom nin tulay nin francia, sisid sa tampungan sa san vicente, langoy sa dagat sa tampad nin almasin na napasaributan nin garalanguy man na haruan(duhay)...

Ining batas ang pinakamasilam i-balga, kaya bago kami kaito magpararibudan, sarong oras mun-ang padugang sa aldaw bago masangli nin bado+sarwal - / + brief kung igwa?.Bagi kami kaitong binarad na paruy na pag-abot sa harong momolinuhon pag nadakop.
...Syempre dai pa jan natapos...sisiguraduhon mun-ang malinig buda plantsado ang nagibong krimen...kaibahan kang mga kawatan este kakawat/kapaninyaw ko, kanya-kanya kaming check, x-ray,scan nin mga ibedensyang agis-is, asin(salt), gurumok & tungkag na buhok sa lagkot, baybay na nagdukot sa panit, seaweed na gakitay-kitay sa tuhod, lumot na gapulupot sa riog. Pag areglado na, tsaka pa lang ako susumangon nin tatak rambo kung tsinelas para pumaribod. Kung inano kahib-og ang tsinelas ko iyo man dapat ang hib-og nin sarwal ko (panguntra sa kolog nin ba-ba) para atubangon ang batas na kinontra.

Syempre pag sampot sa harong dai dapat maga-pardukot sa magurang & tugang ta baad magsungaw ang ibedensya...ibedensyang hangop surahan (malangsi).Ta oras na igwang makahangop nin ebidensya siguradong sarong oras man ang bubunuon ko para sa imbestigasyon, pag dai ko nailihis ang kaso...ubuson ko man kadasari ang gabos na santo,santa...ta san-katerbang ba-ba man syempre ang abuton ko...aguguy!(patawad mama/papa dai na mautro ngonyan...sa aga naman!)

kadakol pang batas pamba-ba sa gobyernong pigakaharap ko kang edad kung ito, pero ta ang batas manungod sa paghit-hit ang istorya ko... kaya dai na ako mapaligoy-ligoy pa, pupun-an ko na ang sakuyang istorya (kahalawig kang intro).

Batas Pamba-ba Blg.008 "Bawal magsigarilyo"-oras na madakop...sarong kahang labuyo ang uubuson !

Nagpuon ito kang nagkabiliyo so mga violators sa kalye mi, Syempre ta si taypong ang bida, inaragyat ko so mga amigo kung pastidyo na magbarikada sa surungan nin sakuyang lola.Likod lang ito nin kwarto ni lola, mga dosientos metro quadrado ang surungan, nakudaran nin tinanom na lemon para dai makatakas ang mga nakatanom na tapayas, kalabasa, batag, pechay. Na na-guardiahan nin mga buhing native na mardos buda warden na ayam sa pangaran na gringgo para layaton ang nakabartolinang orig.

Si burnok, si ribong, si bolol, si hapon buda si bokol ...sinda ang sakuyang mga abyagon na tropa.
Prumero...nagkasurundo kami sa paghit-hit nin sanga nin kalabasa (so sangang dugang na). hit-hit si bornok...hooot! hoooot! dangan nagbuga...hfoooh! daing galuwas na aso(usok), pinurbaran ni ribong (puwersado so paka hit-hit na kahuna mo nakasagad sa 240mph na vacuum cleaner) ...hoooooooootflop!...aaark! ahurk! lunok?! sablay! naturon so pigasigarilyo.
Maluya yan sabi ni bolol, purbaran ta ang dahon nin tapayas (so dugang man syempre). Kan nasindihan na,hit-hit si bulol...hooot!...woooh! ayus igwang aso! sarabay na riw-as nin grupo sa kaugmahan. O sige pasa-pasa, si hapon naman (dai nyo na ako pag haputon kun ngata ta "hapon" ang bansag nya? ta malang burarat ang mata, kamo na ang bahalang mag atid-atid).
Hit-hit si hapon...hooot!...woooh! ok! maurag mina-aso! Habang gapabutobot nin aso si hapon, iyo man so daing tunong na agok-ok ni bulol...ubo! ubo! aahrk!pwe! "ga-ga-gator ta harunan" tabi este sabi ni bulol, diretso man sabod ni hapon sa sigarilyo.

Isip utro so padan-danan(taypong)...alam ko na!...so tunay na sigarilyo na sana! Inanay! sabi ni bukol (sabay panguros)...bukol ang aboton ko kaan ki tay pag naisihan na gasigarilyo na ako. pero ta nagluwas na ako nin beinte nueve...este...beinte singko centavos, siya man syempre ang nagbuag kabakal nin 1stick na champion. Pag-abot ni bukol daing liribukan so grupo...kudog! kudog! kudog! (pigakaratab-kataban)...daing liribukan nin nerbyos habang gangilit ang mga marsok nin kaogmahan ta malang puon pagkamundag perstaym pa lang mahit-hit nin sigarilyo. Syempre ta si taypong ang bida...ako ang mainot! ako ang nagbakal! agaw na kulahaw ni bukol (di pasensya ang bida). Habang pigasindihan na ni bukol so sigarilyo, biyo pating piga takigan ang kamot nin pinaghalong eksaytment buda nerbyos. Hit-hit... hooooot!...buga...woooh! Ayus! tunay! sarabay na kurahaw mi sa kaogmahan...kurahaw na makapukaw nin gakaraturog sa ka ala una-he nin udto. Ako naman! ang sabi ko...hit-hit ako ...hooooot!...buga...wooooh! grabi so aso na halos dai ko na magkahililing so tropa...hain na kamo?(ang sabi ko)...namulong ako ta daing nag kurahaw sa pagbuga ko, buda tanog lang nin tsinelas na gapaburukod kadulag ang nadangog ko...Hit-hit utro si taypong...hoooooooot!....habang minaka hit-hiti biglang igwang buminutwang gurang sa atubangan ko (anak ng alipunga! si lola!)...habang tulala ako sa pigatindugan ko buda pugol-pugol nin kiyom so kimot ko, pasimple kong sinabod so sigarilyo (dangan urit-urit akong panguros buda pangadyi sa laog nin isip ko na magluwas naman lamang sa taringa ko o lubot ko ining aso). Sa pigatindugan ko maski ubuson ko pa ka-apudi gabos na santo...maluwas ta talagang kaipuhan magluwas nin ebidensyang aso/usok. Pagmati ko sa pigatindugan ko bagi akong pigabasahan nin sintensya habang gapreparar si lola nin pamba-ba. Buda na atubang utro sako para sa imbestigasyon...eto na!... iyo na in!...the moment of truth!...huminapot na si lola : "TAYPONG! GASIGARILYO KA NA!?" maisog na hapot na pagmati ko kaipuhan kong makasurvive sa stampede sa ultra...iling ang sakuyang simbag ...iling sana nin sayuma ta dai kaipuhan magtalam ta maluwas so aso. Huminapot utro sabay burba-ba sa kamot nya nin pamba-ba...burba-ba na gustong sabihon gahalat sya nin simbag ko.tak!...tak!...tak! [dasal na naman ako sa isip ko ta malang dai galuwas sa taringa o lubot ko so aso...dasal na kaunon lamang ako nin daga(lupa) sa namugtakan ko o kaya maging aso na sana lamang ako sa mga oras na ito (mapinaw)]. dai ga-klick so mga dasal ko...
Sa langkag nin sakuyang lola ka-kahalat nin simbag ko, maisog na ang hiling sako sa dinobleng isog nin hapot na kung gasigarilyo na ngani daa ako??? Sa ngolngog kung dai ga aser so mga dasar ko...maisog ko man na sinimbag si lola nin : "SABI MAN NISAY!" buda man pabulukod paluwas so mga aso sa kimot ko...asong nalatupan so bilog na pandok nin huwes este ni lola. Dai nakalibok si lola buda napaturon na sanang biyo nin riwoy habang nanguros buda riw-as nin:" 'susmaryosep! ubo! ubo! madi-dismayo ako sa kaabyagan mo taypong!"
-end-

Habang minakabaradi nin paruy, nakabuhi ang istoryang ini sa arimantak ni: Taypon Gard
Sa suportang pagduhay nin sakuyang amigong si: Reynolds (ballpen)

"Splendid! A lean, tight, compelling story that was over much too fast. I wanted more! or hope! I don't want champion!"
- Robert Lodlum

"Suspense, tension, and a Champion(cigarette)."
- Stephen King