Catanduanes Forum

Sado nangman na obra maestra ni bahi. Masugot, gustong magpaguro pero ikan ga bana-banang gutor sa puso! Siram nin namit kun yan piga hamor mong tataramon sadili mo. Maurag ka bahi! (dave)

BS Journalism ang kurso ko sa kolehiyo. Sa PUP ako nagtapos. Sa helak ning Diyos com laude man. Grabeng ogma ni Papay boda Mamay ta paga paribod ko may tagama man ako sa kila. Pero ang mai nila aram masakit ang buhay maging journalist. Kung baguhan ka medyo hababa pa ang parte mo. Maski grabe ang ginibo mo kung may mga senior pa saimo, masakit mag demand ning parehas na parte. Maski sa karaunan yo mga tor timos muna saimo, sila yo mga first class. Sa Journalism mahurat ka man ning imong oras. Pakurusugan ning boot. Pauroragan ning inagihan.

Bago ako naka gradweyt, nagpa lipat lipat man ako ning eskwelahan. Enot sa UP suminunod sa sadong pribadong eskwelahan sa Cubao hanggang nalipat na ako sa PUP. Sa UP baga ako dun ga tukad sa pari-as. Masakit mag deliber dun, grabeng ga sawong sawong na mga sungayan na awot. Sa Cubao nagluya ang kusog ko bilang masunod na pagot na journalist, bihira ang ga abot na bahog. Sa PUP talaga ang futuro ko ta adun gabos na maurag, kumbaga, sentro ning kusog sentro ning kalakal.

Huray man akong naging journalist. Huray ko man pinag tiosan yan buhay ning sadong journalist. Adun yo paga guru-an ka ta mai mo kayang darhon ang gubat ning sadong sugo. Adun yo panahon na maga kapa kapa ka sa gubat ning iga darang obligasyon. Maski ga babagyo kaipuhan mong magtrabaho para maipa abot ang huray nang igahurat ning mga taho. Pero maogma maging journalist, nakapa kusog ang pagiging journalist.

Ninyo mai na kaya ni Pay boda ni May na makita ako na mai na ga tarubo dahil sa akong napiling trabaho. Pig manduhan nila ko na “ Nono mag banli ka na ning trabaho ta nabobogsok ka na ning kaka kabiba dyan sa Lantsa. Sabi ko man “May, Pay iso man sana to yan aram kung trabaho ta ni-ano mai man ako. Maluya pa ngani ko magsurat boda mag basa. Boda kaya pa man ning ginhawa ko mag hornal. Sa aga maabot da yo bagas ning NFA boda yo semento boda cabilla na order ni Asterio kaya triple na naman ang ganansya ko ninyan. Mai ko man nalilimutan ang ambisyon ko na mag abroad kaya ngani ga tipon pa ako para maka adar nintong roloogan sa PSAT ninyo ladderized da yun ki Kordio na machine shop. Sa ninto May, Pay mai akong aram na ibang trabaho kundi bilang sado sanang hornal. Sana suportahan nyo na lang ako.

Pag abot ning M/V San Vicente dararaganan kami sa pier. Sadong ardaw na naman ning burogongan. Uno Dos Tres! Bugrisssss! Ga kapa kapa pa ako sa sisenta kilos na bagas. Mobit mobit! Hahahaha! murhi kong gilomdom sa goro ni Boy Negro.

PUP – Pier University of Pandan.
UP – Hiyop
Cubao – Cobo
Journalist - Hornal