Catanduanes Forum

Igwa akong napansin ngonyan sa satong mga tawo, lalong lalo na ta harani na ang eleksiyon. Generally speaking, halos kadaklan na nangyari o naggibo kaini, medyo midbid ko, o kaya midbid nyo man, pero dai ko na i mention ang pangalan. Aram niya na man kung sisay siya, buda kung ano pig gibo niya.

Masakit na talaga ang magtuwang ngonyan, lalo na pag dakula ang kantidad ning "pigsubri" saimo, kung ang buhay mo nakasalalay sa itao saimo. Iguwa ning sarong tawo na nagsubri sa, sabihon ta pulitiko. Grabe ang pangangaipo kang tawong ini ta kaipuhan niyang magpabulong sa Amerika ta kung dai, mabawian na siya ning buhay. Nagpunta siya sa halong kang pulitiko, halos magluhod na sa atubangan ta kaipuhan niya ang dakulang halaga, ta pambayad sa eroplano, buda sa pag pa ospital sa Amerika. Ga apod, buda, halos uru aldaw, pirming piga bisita su harong ning pulitiko na ini, tangani sanang bago siya magsakay sa eroplano, igwa siyang imo. Tinaw an siya kaso piga hagad niyang kwarta. Nakapabulong siya, naayad. Pirmi ko nganing nahiling siya na ga lakaw lakaw sa tinampo.
Pero ngonyan, dai ko masabutan kung ngata ta ang naka paskel duman sa harong niya su kalaban kaso nagtuwang saiya. Bako sa kung ano pa man, utang niya ang buhay niya duman sa tawong ito. Makulug man na pag isipon, na kang nangaipo siya ning grabe, dai man ning naituwang sainya ang piga suportaran nya ngonyan. Pag nahiling ko, gusto kong hapoton kung ngata ta su kalaban ang piga suportaran niya. Dakulang hapot ini sako, ta dai na palan ngonyan ning piga apod na utang na boot.
Igwa pa man ning iba dyan, na halos gabos na sana piga tao sainya. Midbid siya, pigatiwalaan, gabos piga kuyog, pero sa katapusan, buminaliktad. Dai ko maintindihan kung ano ang rason. Alog na siguro kahababa ang memorya ning tawo sa mga nagtuwang sa inya. Kulang na ang pagpasalamat buda ang pagtao ning respeto sa tawong nagtuwang na dai ga hagad ning balos kundi magpasalamat asin ipahiling man ning diit na igwa pa man siyang delicadeza sa buhay niya.
Kadakul uya sa isla ning Catandungan na alog kaan. Minsan, dai ko maisip kung pano ninda nakakayang magtalikod sa nagtao sainda ning "second chance." Sa buhay man, trabaho, o ano pa man. Kung pano nakakaya nindang magkatulog ning dai pga isip ang nangyari sainda. Kung pano ninda nakakayang uyagan ang salong tawo na nagtuwang sainda.
Pero, alam ko, ang Diyos ang mabalik kaan. Kung dai ka ngani batid mag tao ning utang na boot sa kapwa mo, siguro maski sa Dyos dai man. Nahiling man sa mga buhay ninda, kung ano sinda. Marinas sana kung igwang nakukua saimo, pero pag dai na, babayaan ka na. Alog na siguro kaini ka manhid ang mga puso ta. Na maski pagpasalamat asin paghiling ning respeto man lamang sa nagtabang sato, baging ringaw na gabos.
Sa mga tawong ini, saro sana ang masasabi ko, manggagamit sinda. Gabos na bagay, mabalik ta mabalik an. Matakot sa karma. 100% an na mabwelta saimo.