Catanduanes Forum

Nalibot ko na manga rona' sa Kabikolan;
Sa paghanap sa daragang pano' nin kagayonan;
Diyosang maheheling sa lambang pangaturogan;
Sarong anghel gikan sa trono nin kalangitan.

Daing sukol na kaogmahan ang minataros sa puso;
Kan maheling daing kaarog na kagayonan mo;
Sa Cabugao gikan an saimong lahi asin dugo;
Obra-maestra nin kagurangnan Diyosa kan Bikolano;

Manga bituon nagliliwanag sa sobrang kaogmahan;
Ta ngonian na banggi iaalay an korona nin kagayonan.

Ika nagdakula sa pinagsisidlangan kan aldaw;
Sa paraiso nin kaburakan ika pirming naglalakaw;
An gayon mo sa diklom nagingibabaw;
Sampaguita daog kan hamot mo Diyosa nin Cabugao.

Ika sana an reyna, an mutya kan sakong puso;
Ilaw kang minataong liwanag sa buhay ko;
Sa kalangitan ipapaabot kantang ginibo ko;
Dadarhon ka kan sakong tingog sa paraiso nin soneto.

(Ini an Opisyal na Theme Song nin Mutya nin Cabugao. Ako an naggibo nin liriko/letra asin an arranger buda singer si Jeffrey Tarrobal na asa UK na)