Catanduanes Forum

ga saganaag yo ardaw ninyon mai naka tonong si victor. mabuhat boda mapanaw panaw. Nintoyan sana siya pig kirbyos na yo kiyang parad mai nya aram kung nanglilipot o babanhod. Victor answer my question! Si mrs Luz teacher ni victor sa english, gradwado sa ust kaya yo diksyon ga lapanit sa blackboard. Passive voice mam, maing arang arang na simbag ni victor. Good! class remember heart never ceases to occupy the brain, wherever the wind brings you think of victor and his heart. sa hona hona ni victor hantoyan na naman si mam boda yo kiyang pa sagipit. kung aram lang niya na maski maisog ikan man ning kaluyahan, lalo na pag nakikita nya si therese. Yo iba niyang mga kaklase nanga huyom huyom, nangagka uri. Pero si victor pag kiling ki therese boda nakita nya yo goro pinag pasipara na sana yo kiyang ibang kaklase. bata pa lang pano siya pig huritan na siya ni augusto. boda sa kilang baray potos siya ning omaw kaya nagsarig na bilog yan boot. maski nasasara man pag minsan, piga manduhan siya kung ano ang mas magayon. pag luwas sa klase, ga juras - juras na kinuha niya yo kiyang bisikleta boda pina sabo papunta sa banwa.