Catanduanes Forum

An sakuyang pigahanap na masunod na lider nin satuyang banwaan iyo an pwede kong pagkatiwalaan na maprotehir kan sakuyang interes bilang namamanwaan sa masunod na mga panahon.

An mga minasunod iyo an mga makapirang importanteng gawi-gawi na pigahanap ko sa pagkatawo nin sakuyang lider:

1. Siya dapat may istorya na bilang bantay nin satuyang kumunidad;
2. Siya dapat bakong mahab-on;
3. Siya dapat may matibay na karakter;
4. Siya dapat namumuhay nin moral;
5. Siya dapat dai nin dakulang pangangaipo sa kwarta;
6. Siya dapat bakong abusado;
7. Siya dapat may kakayahan sa posisyong saiyang pangaturugan; asin
8. Siya dapat dai mangapital para makua an pangaturugan na posisyon.

Kun sa hiling nindo, sa pangaturugan ko sana makukua an mga nasa itaas na gawi-gawi nin sarong tawo, dai man siguro nin sala kun padagos man ako sa sakuyang pangaturugan hanggang sa makua ko na an tawong pigahanap ko.

Kun igwa man kamong nahihiling na importanteng gawi nin sarong marhay na lider na dai pa sa mga isinurat ko na sa itaas, tabi man pakidagdag na sana tanganing matabangan man nindo bako sanang ako kundi an iba pa nitang kahimanwa na nalilibong sa pagpili sa kadakul nitang aspirate para maging masunod na lider kan satuyang banwaan asin kan satuyang nasyon.

Makapili man lamang kita nin tamang Lider. Mabalos sa saindo, Meri Krismas asin Manigong Bagong Taon sa Gabos!!!