Catanduanes Forum

Satong hurophuropon ang presenteng sitwasyon buda sa pwdeng maguiguing epekto nin Provincial Economic Enterprise (PEE) sa paghatod nin pagalaga sa satong salud sa Eastern Bicol Medical Center (EBMC).

Mamili kita sa saro sa Top 10 mortality and morbidity na sitwasyon, sabihong tang aksidente.

Si Pulano, sarong para sikad-sikad byaheng saod-palnab, nabangga nin van ni Edwin sa Gogon ta boyong. Syempre, si Pulano edara sa Hospital, iyo ang EBMC.

Sa ngonian na sistema, si Pulano makalibre sa servisyo nin Hospital. (dai kabali ang mga reseta na bulong buda gamit).

Sa PEE (ihi) na systema, tudas buda sobra pa sa kurang ang pigkayod nya sa bilog na bulan.

Ngata, saro-saron ta ang pwedeng ibayad kang pobre si Pulano:
Enot na gatos, doctor’s fee
Ika-duwang gatos, ER fee
Ika-tulong gatos, OR’s fee (kung ooperahan)
Ika-apat na gatos/mil, pag-ilok sa hospital .
ika limang gatos/mil, gamit buda bulong.
Ika-anom na gatos/mil, mga diagnostic test arog nin Xray, CBC etc.

Ika man daw baad libre man ang iba dyan.

Uri ki ITI nya an, magiging self-sufficient ngani. Toink

Ika man daw, bako man gabos na tawo sa Islang Katandungan para sikad-sikad.

Uri ki ITI nya an, kadaklan na tawo baga sa Islang Katandungan pobre arog nin sarong para sikad-sikad. Agoy!

Ika man daw, itawan man nin Indigent Philhealth ang mga pobre.

Uri ki ITI nya an, bako man gabos natawan nin Indigent Philhealth. (bakin ako dai)

Ika man daw, bako man gabos masagasaan o ligis

Uri ki ITI nya an, istorya man sana ini

Ika man daw, painano man logod ma-asenso ang satong luma sa pagiging modernisadong na hospital.

Uri ki ITI nya an, ang sarong pagiging marahay na salud iyo ang pagpapakosog nin satong primerong pagataman sa salud. Bako sa pagiging modernisadong hospital.

Ika man daw, sa paagui nin PEE (ihi) na sistema, madakol ang kwarta nin Probinsya ta madiit na sana ang fundo na itao sa EBMC.

Uri ki ITI nya an, madakola man ang ihabon nin satong mga FOOL-ITI-KO . Sowi sugot man sana. (maski pa bako). angso man nin PEE (ihi)

Kahilak man ni ITI, atang Fool na, pigUri-uri pa, sain daw ini pig-kua?

Sa sakong boot, ang pagataman sa Salud, sarong nyatong DERETCHOS bako sanang privilegio.

Ngonian ta harani na ang eleksyon, matugot ka sa KANDIDATONG mahare saimo nin DERETCHOS.

Mamibi kita!