Catanduanes Forum

Salamat, natapos man an eleksiyon sa Pilipinas, lalo na sa Catanduanes. Maski daing nangyari sa naresibe kong pilak hare sa nagkakapilang kandidato, at least, nakadagdag man sa pinanghanda ko sa piyesta samo.

An dakula tang ipagpasalamat ta maski rampant ang vote-buying sa Catanduanes, dai man nin na-deskuwido. Sabi kan sarong kamidbid, maray na daa ini kumpara sa ibang lugar kan Pilipinas – dai ngani uso an barakalan, pero uso man an baradilan asin garadanan.

It is a choice between the devil and the deep blue sea.

Nom, di natulohan na si Wong. Maray man ta sa masunod na eleksiyon dai na ning masawong-sawong. Si Wong an saro sa dahilan kun ngata ta uminitaas an presyo kan mga boto sa satong probinsiya. Kawasa, aram kan saiyang kalaban na makuwarta siya kaya obligado an sisay man na makalaban niya to match her millions. Natapos na man an saiyang ambisyon sa pulitika! Maray pang magnegosyo na sana siya.

Natapos man an political career ni Leandro Verceles Jr. Para ki papa Jun, ang pulitika sa Catanduanes pera pera lang. A victim of his own folly, bati ko man, dai ng maiba saiya kung engkaso magbuwelta pa siya para magkandidato sa masunod na eleksyon. Pero iyan kun makakua pa siya nin pilak na gastuson. Otherwise, he is finished. Ta sisay pa daw ang matiwala saiya, matapos na pabayaan niya an saiyang mga kapartido kan nakaaging eleksyon? Helenga ta nagkadaraog su iba niyang kairiba.

Kaya sa masunod na eleksyon, hayahay an buhay ni bagong congressman Cesar Sarmiento – ta dai na niya kaipuhan gumastos nin dakula para manggana.

Apuwera na sana kung makalaban niya si Joseph Santago.

Pero sa ngonian, dakulang kahapotan – sisay pa man daw ang matiwala ki Kutipyo, matapos na salubuton niya an entero niyang pag-iriba. Bua an maiba pa saiya sa otro. Tinakdag si Al Aquino asin Cito Alberto puon pa sana kan kampanya. When the smoke of the electoral battle cleared, aw hanom, bako sana palan su duwa an pig-traidor, pati palan su gabos niyang pag-iriba – si Aye Molina, si Doc Zafe asin dakul pa. Pati sadiring poaryentes, pigtakwil por medyo sa pulitika. Nagsolo na sana. Papan-o, dakul an kuwarta kaya pareho ni Verceles, an hona niya, an pulitika sa Catanduanes pera pera lang.

Joseph Santago is the personification of a trapo. Trapo sa gabos na bagay. Saen ka nakadangog nin politiko na maski jingle sa kampanya puro pangratak sa tawo? An saiyang campaign speeches, anas man sanang pang-uyag sa kalaban. Dai lamang akong nadangog na karahayan hale sa saiyang kimot. Ngonian, di naaraman niya, bako sanang puro kuwarta an basehan nin mga Catandunganon sa pagpili ninda nin lider.

Dai ta paglingawan palan -si ManoLOKO Sanchez. Paghona ko pa naman, toltol na tawo, an tuyo man sana palan makadelihensiya. Nagpalayog man pati nin helicopter, na paghona kan saiyang mga suportadores puno ni kuwarta para sa last hour. Karemanisi, dai man nin ilinuwas – ta uminiral an kasuwapangan. Maray pang isaray an mga milyones, kaysa ipanaltag. Ta at least hayahay an buhay. Nakagoda daa ini ta segun sa istorya, nakakua nin dakulang kantidad na campaign fund hale sa malacanang.

Dahil sa ginibo niya, asin kan saiyang singaki kan mga nakaaging eleksyon, dai ng Sanchez na puwedeng magkandidato sa Catanduanes! At least, in our lifetime.

Matrangkilo na daw an Catanduanes?