Catanduanes Forum

nagilomduman ko ninyo enot pang panahon
basta mapista na handa ang mga bonuon,
yong harani sa sarog, manima sa mga tapon
yong maing tapon, mahanap nin mga ilawon.

mangilaw kami ninyon nin harwan sa mga uma,
mga hito, pantat, mga guraming dordakro na
sa likod nin baray ikan gapatago ta himos na,
ang bagang ihawan yon paran matugmak na

mga tuba ninyon piga -papahang ngona
ngani daa, sabi nin gurang duwagi pero mabisa,
talagang natanaw ko yo nagsugna namula na
hanggang mai na pugto ang kiyang mga estorya.

nakipista kotana tanganing ikan madara
nakikaon, nakiinom nganing maogma man siya.
pero ang nangyari nagkadiperensya,
yong bitbiton nahubon, yong kinaon sinuka!