Catanduanes Forum

ORACION (Payonhon Version by Kawor)
(Original story by Dave)
Estoria to ninyo de puntong Nang Concha (Hesus, Hesus, tabangan nin Dios) del Timbaan, San Andres.
Ga himos-himos nin pagkahapon yo mag-ubon na si Tang Goryo kasi Nang Gorya. Ga agaw na yan durrom buda yo liwanag sa subsuban ninyo mag bagting nin alas seis.
Klang! Klang! Klang! Klang! Klang!(baga laen na yo bagting ni Uma ninto ha...)
“Goryo... bayae daw ngo’na yan pag tiak na yan ta ma alas sais kita, buda madurrom naman ngani.” (pinatunong na yo pag patok nin kahoy)
Sabay luhod sa ko siin na siya ga tindog sa kan dapog nin kilang barray-barray..tuo man na Tatang Goryo ga huway-huway nang magdaprras.
“Angelus domine nunciabit Marie. …” sabay tingarog sa panganoron. Ta madurom na, naka aninaw nin harrawig na bagay na ga tunton harri sa bantayaw. “Goryo, Goryo... hoy Goryo”
“Et concepit et Spiritu e sanctu… ano nang ga dasarr…” sabay luhod sa kataning ni Nang Gorya.
Habang piga hapuhap yu harrawigon na ga tun-tun, paluhod na tuminaning si Nang Gorya ki Tang Goryo. “Dios te salve maria llena eres de gracia … ata Goryo ta’nawa ngani ta baga harras yon ho, ga tunton sa bantayaw…. el senior es contigo…”
Harre-harring hiningonay si Nang Gorya ni Tang Goryo. “Ahin man Gorya? Dili ko man nakikita nin turrtorr.”
“… bendeta tu eres entre todas las mujeres… ata Goryo, hanyon baga ho, ILAGO na ga bitay-bitay sa bantayaw… e bendeto es el frutu… hanyon baga sa itaas, tingarruga ngani… de tu vientre Jesus.”
“Sancta Maria madre de dios… ano man tong… lubid baga. Pag dasarr sana ngani… ruega por nos otros...”
“Lubid yu sugok mo! Piga tarrman. Ta’nawa ngani Gregorio ta gahiwas. Lubid man na ano?”
“… pecadores ahora en la hora… ata me ko natatanaw. .. de nuestra muerte Amen. Ahin bagang lintias na hurrag yan. Atang ga dasarr.”
“Et verbum caro factum est… hanyon sa ikan kigarron! Ga turrtonton baga. Itom na harras Goryo!”
“Inovitabit e nobis… maga ano man yan hurrag dian! Ata baya yu lubid yan.”
“Dios te salve maria llena eres de gracia… ata baya ga hiro. Lubid mag kasta ka hiro… el senior es contigo bendeta tu eres… kastahi ngani ka ukrrata yan marrsok mo ta tutukaon na kita dito mi’ mo pa nakikita… entre todas las mujeres e bendito es el fruto de tu vientre, Jesus… Hanyun ho!”(piga turdok)
“Santa Maria madre de Dios… boko yan na harras… ruega por nos otros”
“Ay una ano yan aber... ugdok?” (baga unga na si Tang Goryo)
“…pecadores ahora en la hora… pagdasarr sana ngani”
“Ay ta’yon mahurrat parran akong mapakasta ka pakagat sa hurrag na yan ano?”
“… de nuestra muerte, Amen… ka linibok mo man.”
“Ecci ancila domine… baga sarra na pati yan dasarr ko.”
“Fiat mihi secundum verbum tuum… ay ibisag pa'nong kun ano-ano yan imong nakikita.”
“Dios te salve maria… AY KINABAN! Hu Goryo, HUMINIRO NANGMAN BAGA… LLENA ERES DE GRACIA…”
“Ay iso hurrag!”
Sabay yu mag-ubon ka atras nin palohod.
“El senior es contigo bendeta tu eres entre todas las mujeres… Ay Gregorio ga ano ka pa? Dumarragan ka na don ka apuraha yu minasbad! Inda uy, ga nganga nin katusmog?” Pabukros yan Goryo ka baba ta kukuon yu tabak. … e bendeto es el fruto…”
Luminuhod si Tang Goryo sa kataning ni Nang Gorya kupot-kupot yo tabak.
“de tu vientre Jesus… hanyon, hanyon... ata hanyun! yan, diyan.... hala... TIGBASA NA!”
“Santa maria madre de dios ruega por nos otros pecadores… ahin na? Dili ko na nahihinaw kadinurrom! … ahora en la hora…. Apuraha daw ka kuhaa Gorya yo patintihan… de nuestra muerte amen.”
“Ora pro nobis santa dei genetrix… ay inda ta pahiwason mo parran ako ka pata-nawa sa hurrag na yan ta ngani akong kagton? Yan patal na tuo…”
“Ut digni efficiamur promissionibus Christi… ata pa’no ko man to matanaw na madurrom” Huminiro nangman yu harras…
“AY KINABAN NA HURRAG… BUAYA BAYANG!! ATA BAYA KASTAHI NA KATIGBASA! … Oremus. Gratiam tuam, quaesumus, Domine… handon, don, HANYON!… huminirro nangmana baga… mentibus nostris infunde”
“Dili ka ngani magparrlibok ta una matupas yan hurrag na yan …”
“…ut qui, Angelo nuntiante, Christi Filii tui incarnationem cognovimus… KASTAHI NA! Ay ano pang masid-masid mo dinyan? TIRAHI NA!!! Kahurray-hurray nin ka a-ansiyas ninyan palas bagang yan! Tirahi na ka tagaa!”
Tinaga ni Tang Goryo yu ga tunton na haras…SWISHH! dili tinamaan!
“…per passionem eius et crucem… Sara Goryo!!! Dun sa wala… ad resurrectionis gloriam perducamur… dian sige, tirahi na ka tigbasa!... Per eumdem Christum Dominum nostrum. … ay ga ano ka pa ta mi mo pa piga kastahan ka tigbasa baga?”
"Amen... ay paghurrat man ngani sana dian, ano nang sihong man nintong!"
Tinigbas otro ni Tang Goryo. Sentro! Utod! Luminasik yu kautod sa atubangan ni Nang Gorya… na nakaluhod pa.
“AAAAAAYYYYYY BUNGAW NA GAINGA... AY..... Gloria patri et filio et espiritui sancto… Hesus, hesus, hesus Goryo!!!”
Sabay lukso ninyo pobreng kurasmag na ga agrangay nin hapdos! .....MEOOOwwWRRrrk!
“… ay ano man yan Goryo yu kusmag parran!”
“Sicut erat in principio, et nunc, et semper, et in saecula saeculorum. Amen…. Ay Gorya yu kusmag parran… ba’man Dios ko.”
“Gloria patri et filio et espiritui sancto… ay Goryo ta kinastahan mo ka tigbasa yu okig nin kuting?!”
“Sicut erat in principio, et nunc, et semper, et in saecula saeculorum. Amen…. Ay sabi mo baga Gorya tigbason ko, di tinira ka tigbasa! Manto mi kitang tamaan sa imo.” (piga hapihap yo tadom nin tabak ta baga ibarik na...suringay sa sa kan dapog na doon nag tupas yu kumag)
“Gloria patri et filio et espiritui sancto… Oy! kuta’na hininaw mo man ka tanawa bago mo kinastahan ka tigbasa man na ayam ka. Buko ka man sana kutanang tira nin tira.”
“Sicut erat in principio, et nunc, et semper, et in saecula saeculorum. Amen…. Pagturrtorr man dian Gregoria ta ikaw tong nagmandong tirahon ko ka tigbasa… Mi man kitang tamaon sa tahong toong puro sana sarra yan gibo ta.”(nag lutab sa luwas nin bintana)
Sabay panguros yu dawhang pobreng mag-ubon…(nakaluhod pa...Dili na tinabangan ni Tang Goryo na magtindog yo Nang Gorya)
“In nomine Patris, et Filii, et Spiritus Sancti. Amen”
“Gorio, ayam ka kahelak man yu kusmag!”
Suminimbag pa....|”kahilak yan kasta mo!”

Wakas na? Owww...wala bang German dyan?...Ting S.F.