Catanduanes Forum

D2 sana ko ta baad masara u butang ko....

Estoria to ninyo de puntong Nang Concha (Hesus, Hesus, tabangan nin Dios) del Timbaan, San Andres.

Ga riparo nin kahaponan yan mag asawang si Gorio kasi Goria. Ga agaw yan durum buda liwanag sa subsuban ninyo mag bagting nin alas seis.

Ting, ting, ting, ting, ting.

“Gorio.. bayae ngo’na yan pag tiak na yan ta ma alas seis kita, buda madurom naman ngani.”

Sabay luhod sa kinatindugan sa ikan kusina nin kilang baray-baray habang si Gorio ga luway-luway pagsakat.

“Angelus domine nunciabit Marie. …” sabay tingarog sa langit. Ta madurom na, naka aninaw ning harangkaw na bagay na ga tunton hari sa paribungog. “Gorio, Gorio... hoy Gorio”

“Et concepit et Spiritu e sanctu… ano nang ga dasar…” sabay luhod sa kataning ni Goria.

Habang piga aninaw yu harangkaw na ga tun-tun, paluhod na tuminaning si Goria ki Gorio. “Dios te salve maria llena eres de gracia … ata Gorio ta’nawa ngani ta baga haras yon ho, ga tunton sa bantayaw…. el senior es contigo…”

Hare-haring hiningonay si Goria ni Gorio. “Ahin man Goria? Mi ko natatanaw nin turtor.”

“… bendeta tu eres entre todas las mujeres… ata Gorio, hanyon baga ho, haras na ga bitay-bitay sa bantayaw… e bendeto es el frutu… hanyon baga sa itaas, tingaruga ngani… de tu vientre Jesus.”

“Sancta Maria madre de dios… ano man tong… lubid baga. Pag dasar sana ngani… ruega por nos otros...”

“Lubid yu sugok mo! Piga tarman. Ta’nawa ngani Gregorio ta gahiro. Lubid man na ano?”

“… pecadores ahora en la hora… ata me ko natatanaw. .. de nuestra muerte Amen. Ahin bagang ibingan na hurag yan. Atang ga dasar.”

“Et verbum caro factum est… hanyon sa ikan kigaron! Ga turtonton baga. Itom na haras Gorio!”

“Inovitabit e nobis… maga ano man yan hurag dian! Ata baya yu lubid yan.”

“Dios te salve maria llena eres de gracia… ata baya ga hiro. Lubid mag kasta ka hiro… el senior es contigo bendeta tu eres… kastahi ngani ka ukrata yan marsok mo ta tutukaon na kita dito mi’ mo pa nabubutla… entre todas las mujeres e bendito es el fruto de tu vientre, Jesus… Hanyon ho!”

“Santa Maria madre de Dios… boko yan na haras… ruega por nos otros”

“Ay una ano yan aber?”

“…pecadores ahora en la hora… pagdasar sana ngani”

“Ay ta’yon mahurat paran akong mapakasta ka pakagat sa hurag na yan ano?”

“… de nuestra muerte, Amen… ka linibok mo man.”

“Ecci ancila domine… baga sara na pati yan dasar ko.”

“Fiat mihi secundum verbum tuum… ay sukat pa'nong kung ano-ano yan piga butla.”

“Dios te salve maria… AY KINABAN! Hu Gorio, HUMINIRO BAGA… LLENA ERES DE GRACIA…”

“Ay iso hurag…

Sabay yu mag-asawa ka atras nin palohod.

“El senior es contigo bendeta tu eres entre todas las mujeres… Ay Gregorio ga ano ka pa? Daragana na don ka apuraha yu tabak! Inda uy, ga nganga nin katusmog?” Takrahos yan Gorio ka baba ta kukuhaon yu tabak. … e bendeto es el fruto…”

Luminohod si gorio sa kataning ni goria bitbit yan tabak.

“de tu vientre Jesus… hanyon, hanyon... ata hanyon! yan, dian.... hala... TIGBASA NA!”

“Santa maria madre de dios ruega por nos otros pecadores… ahin na? Mi ko na nahihinaw kadinurom! … ahora en la hora…. Apuraha daw ka kuhaa Goria you patintihan… de nuestra muerte amen.”

“Ora pro nobis santa dei genetrix… ay inda ta pahiroon mo paran ako ka pabutlaa sa hurag na yan ta ngani akong kagton? Yan patal na too…”

“Ut digni efficiamur promissionibus Christi… ata pa’no ko man to matanaw na madurom” Huminiro na naman yu haras…

“AY KINABAN NA HURAG… BUAYA BAYANG!! ATA BAYA KASTAHI NA KATIGBASA! … Oremus. Gratiam tuam, quaesumus, Domine… handon, don, HANYON!… huminirong nangmana baga… mentibus nostris infunde”

“Mi ka ngani magparlibok ta una matupas yan hurag na yan …”

“…ut qui, Angelo nuntiante, Christi Filii tui incarnationem cognovimus… KASTAHI NA! Ay ano pang kabobotla mo ninyan? TIRAHI NA!!! Kahoray-horay nin ka aansias nin tabak bagang yan! Tirahi na ka tagaa!”

Tinaga ni gorio yu ga tunton na haras… mi tinamaan!

“…per passionem eius et crucem… Sara Gorio!!! Dun sa wala… ad resurrectionis gloriam perducamur… dian sige, tirahi na ka tigbasa!... Per eumdem Christum Dominum nostrum. … ay ga ano ka pa ta mi mo pa piga kastahan ka tigbasa baga?”

"Amen... ay paghurat man ngani sana dian, ano nang sihong man nintong!"

Tinigbas otro ni Gorio. Centro! Utod! Luminasik yu kautod sa atubangan ni Goria…

“AAAAAAYYYYYY BUNGAW NA GAINGA... AY..... Gloria patri et filio et espiritui sancto… Hesus, hesus, hesus Gorio!!!”

Sabay llukso ninyo pobreng kusmag habang ga agrangay nin hapdos!

“… ay ano man yan Gorio yu kusmag paran!”

“Sicut erat in principio, et nunc, et semper, et in saecula saeculorum. Amen…. Ay Goria yu kusmag paran… ba’man Dios ko.”

“Gloria patri et filio et espiritui sancto… ay Gorio ta kinastahan mo ka tigbasa yu okig nin kusmag!”

“Sicut erat in principio, et nunc, et semper, et in saecula saeculorum. Amen…. Ay sabi mo baga Goria tigbason ko, di tinira ka tigbasa! Manto mi kitang tamaan sa imo.”

“Gloria patri et filio et espiritui sancto… Aw kuta’na hininaw mo man ka tanawa bago mo kinastahan ka tigbasa man na ayam ka. Buko ka man sanang tira nin tira.”

“Sicut erat in principio, et nunc, et semper, et in saecula saeculorum. Amen…. Pagturtor man dian Gregoria ta ikaw tong nagmandong tirahon ko ka tigbasa… Mi man kitang tamaon sa tahong tong puro sana sara yan gibo ta.”

Sabay panguros yu dawhang pobreng mag ubon…

“In nomine Patris, et Filii, et Spiritus Sancti. Amen”

“Gorio, ayam ka kahelak man yu kusmag!”

"i'd rather be RIGHT..............than LEFT.............alone!"

Ang norte tabi dave - sugnang caramoran, pandan,bagamanoc, payo, viga - halos parareho na yan. sabi sa ato pag sinabing bonor...sado ang gator...pero maski matari...sabi... ituroy.