Catanduanes Forum

Mangga-gururu lamang kita
Estoria ini kang de puntong Nang Concha (Hesus, Hesus, tabangan nin Dios) del Timbaan, San Andres.

Ga gallo-gallo nin kahaponan ang mag agom na si Gorio kasi Goria. Ga agaw ang dullum buda liwanag sa subsuban kang mag bagting ning alas seis.

Ting, ting, ting, ting, ting.

“Gorio.. bayae ngon’a ang pag tiak na an ta ma alas seis kita, buda madullom naman ngani.”

Sabay luhod sa kinatindugan sa igwang kusina kang saindang hallong-hallong habang si Gorio ga luway-luway pagsakat.

“Angelus domine nunciabit Marie. …” sabay tingallog sa langit. Ta madullom na, naka aninaw ning hallabang bagay na ga tunton hari sa bantayaw. “Gorio, Gorio... hoy Gorio”

“Et concepit et Spiritu e sanctu… ano nang ga dasall…” sabay luhod sa kataning ni Goria.

Habang piga mull-mullan su ga tun-tun na hallabang bagay, paluhod na tuminaning si Goria ki Gorio. “Dios te salve maria llena eres de gracia … ata Gorio hilnga ngani baging hallas na ga tunton sa bantayaw…. el senior es contigo…”

Pahinghing si goriong naghapot ki Goria “Asaen man an Goria ta dai ko nahihiling”

“… bendeta tu eres entre todas las mujeres… ata Gorio, huto baga hallas asa bantayaw ga tunton… e bendeto es el frutu… huto sa itaas tingalloga ngani… de tu vientre Jesus.”

“Sancta Maria madre de dios… aw pisi baga. Pag dasall sana ngani… ruega por nos otros...”

“Pisi so ayot mo! Piga tallman. Hilnga ngani Gregorio ta gahiwas. Pisi na ano.”

“… pecadores ahora en la hora… ata dai ko nahihiling. .. de nuestra muerte Amen. Asaen baga an. Atang ga dasall.”

“Et verbum caro factum est… huto sa igwang bakay! Ga tuntun baga. Itom na hallas Gorio!”

“Inovitabit e nobis… maga ano man ang hallas dian! Ata baya su pisi huba an.”

“Dios te salve maria llena eres de gracia… ata baya ga hiro. Pisi mag hiro… el senior es contigo bendeta tu eres… mukllata ngani ang mata mo ta tutukaon na kita dindi dai mo nabubutla… entre todas las mujeres e bandito es el fruto de tu vientre, Jesus… Hoto!”

“Santa Maria madre de Dios… bako an na hallas… ruega por nos otros”

“Ay ya ano an?”

“…pecadores ahora en la hora… pagdasall sana ngani”

“Aw ta ano mapakagat sa hallas?”

“… de nuestra muerte, Amen… ung ribok mo daw.”

“Ecci ancila domine… baging salla na pati ang dasall ko.”

“Fiat mihi secundum verbum tuum… aw sukat nang kung ano ang nahihiling.”

“Dios te salve maria… AY NANAY! Hu Gorio, huminiro baga… llena eres de gracia…”

“Aw iyo man nanggid! Hallas mananggid!”

Sabay su mag-agom nin atras na palohod.

“El senior es contigo bendeta tu eres entre todas las mujeres… Aw Gregorio ga an ka pa? Dallagana na duman so minasbad dari... Aw ga nganga ka ning katullog?” Bukllos ang Gorio pababa ta kukuwahon so minasbad. … e bendeto es el fruto…”

Luminohod si gorio sa kataning ni goria bitbit ang minasbad

“de tu vientre Jesus… huto, huto, huto... yan, dian.... hala... tagaa na!”

“Santa maria madre de dios ruega por nos otros pecadores… asaen na? dai ko na nahihinaw ung dullom! … ahora en la hora…. Su tintirohan daw Goria, dari… de nuestra muerte amen.”

“Ora pro nobis santa dei genetrix… aw pahiroon mo ako dindi di nahiling ako ka kagta kang hullag na an. Ang dangag na ini-a.”

“Ut digni efficiamur promissionibus Christi… ata pan’o ko ngani mabutla na madullom” Huminiro na naman su hallas…

“AY… ATA BAYA TIGBASA NA! … Oremus. Gratiam tuam, quaesumus, Domine… huto, huto… nag hiro na naman… mentibus nostris infunde”

“Dai ka magpallaribok ta madullag an…”

“…ut qui, Angelo nuntiante, Christi Filii tui incarnationem cognovimus… KASTAHI NA! Aw ano pang botla mo kaan? Kaawat-awat kan bibiyaw kan minasbad na an! Tagaa na!”

Tinaga ni gorio su ga tunton na hallas… dai tinamaan!

“…per passionem eius et crucem… Salla Gorio!!! Duman sa wala… ad resurrectionis gloriam perducamur… dian sige, ayotana ka tigbasa!... Per eumdem Christum Dominum nostrum. … aw ga ano ka pa ta dai daw ki kastahan?”

"Amen... aw paghallat man ngani, aw ano nang kimot man kaining!"

Tinigbas otro ni Gorio. Centro! Putoll! Luminasik so kaputoll sa atubangan ni Goria…

“AAAAAAYYYYYY..... Gloria patri et filio et espiritui sancto… Hesus, hesus, hesus Gorio!!!”

Sabay llukso kang pobreng kuting habang ga agrangay ning kullog!

“… aw ano man an Gorio su kuting pallan!”

“Sicut erat in principio, et nunc, et semper, et in saecula saeculorum. Amen…. Aw Goria su kuting pallan… baa.”

“Gloria patri et filio et espiritui sancto… aw ta kinastahan mo ka tigbasa su ikog kang kullasmag Gorio!”

“Sicut erat in principio, et nunc, et semper, et in saecula saeculorum. Amen…. Aw sabi mo baga Goria tigbason ko ta hallas.”

“Gloria patri et filio et espiritui sancto… Aw kuntan’a hiniling mo man bago mo kinastahan ka tigbasang dangag ka man.”

“Sicut erat in principio, et nunc, et semper, et in saecula saeculorum. Amen…. Pagtulltoll Goria ta ika ang nag tallam na tigbason ko…”

Sabay panguros so duwang pobreng mag agom…

“In nomine Patris, et Filii, et Spiritus Sancti. Amen”

“Gorio, rabiado ka kahelak man su kullasmag!”