Catanduanes Forum

1. AL AQUINO NAGPAABOT NIN DAKULANG PASALAMAT SA KALABAN NA SI VINCENT VILLALUNA

Sa saiyang opisina sa kapitolyo kasu udma, pinaabot ni Bise Gobernador Al Aquino an dakulang pasalamat sa dating Bise Gobernador na ngunyan kalaban sa magkaparehong posisyon na si Vincent Villaluna. Sabi ni Aquino, nauugma siya sa kampanya ni Villaluna sa bilog na probinsiya sa dahilang pigsasabi kaini na kun bako saiya maboto, ki Aquino na sana. Pamabalos man ki Mayor Cito Alberto na sabi ni Aquino iyong nagsapo pag-endorso saiya kan siya diumano hinubon ni JAS. Ipinagtanggol ni Aquino an sadiri sa isyung dae siya manggagana ta dae siya ning imo. Sabi ni Aquino, an saiyang source ning fund iyo an saiyang law office. Dae niya daa aagihon sa imo kundi naniniwala siya na an saiyang kusog ay ang kwalipikasyon niya bilang tawo na tama sa nilaogan niyang posisyon.

2. MAYOR SANTOS ZAFE, PLANONG MAG LAST HOUR NING HIRIT SA KAMPANYA

Kasu udma sa Guava Hills Puniton ginibo an reunion nin Zafe Clan. Sa satong interview ki Zafe, saiyang sinabi na sa saiyang pagkonsulta sa campaign manager na si Bernardino Jun Abundo, masyado pang maaga para sa pag ere kan saiyang kampanya sa radyo alog kan patugtog nin campaign jingle ni Cito Alberto buda an planong painterview ni Idoy Tablizo sa Radyo. An sabi daa saiya ni Abundo halaton mun a an mga kalaban na mainot bago sinda masalang. An nahiling nindang tamang aldaw ng huring hirit sa eleksyon ay ang pinakahuring sampolong aldaw bago ang eleksyon.

3. BONGBONG MARCOS, NAGBISITA SA PROBINSIYA KASU UDMA

Alas 7:30 nin aga ang schedule ni Ilocos Sur Congressman na ngunyan nagkakandidato pagka-senador na si Bongbong Marcos sa Legazpi kasu udma. Pagkahari sa Legazpi, 9:30 padiretso siya buda an saiyang pag-iriba sa Virac airport gamit an sarong chopper plane. Alas 11 sa Virac airport siya tinagbo kan Partido Nacionalista sa probinsiya. Pagkapangudto, nagkaigwa nin motorcade si Marcos kaibahan si Madam Cely Wong, Gobernador Joseph Cua buda an iba pang kandidato sa partido o supporters nina dating Mayor Cito Alberto, Bise Mayor Roy Laynes, kandidato para kagawad Zaldy Sarmiento, Vir Candelaria buda iba pa. An motorcade nagdiretso sa harong kan Gobernador sa Capilihan papuntang kapitolyo kun saen man nagkakaigwa nin media interview o press conference si Marcos. Pagkatapos sa Virac, dagos sinda pasiring sa Sorsogon, Masbate, tapos balik nin Albay para sa ginibong Seach for Mutya ng Ibalon 2010 kun sain nagjudge si Marcos kaibahan an hosts na sina Drew Arellano buda Aljur Abrenica.

Kriszle Teope, nagbabareta.