Catanduanes Forum

1. Catanduanes Pasok sa Miss Teen Philippnes

Sunod sunod ang gana nin representante nin Catanduanes sa halos magkasunod sunod na pageant. Marepresentar para sa Catanduanes ang Miss Virac, Miss Catanduanes, Miss Teen Philippnes Catanduanes buda an pinaka-latest niyang korona, 1st Princess Miss Teen Philippines Bicolandia na si Jigg Kirsty Ang. Siya sarong Viracnoon na magfo-fourth year High School sa CSC Laboratory. Siya ang nangganang mutya kan provincewide search na ginibo sa Virac Sports Center kang Abril 9, 2010.

Sa sunod na semana, sa mainland Bicol, nanggana man na 1st Princess kan search na pinagpartesiparan kan dakolon na magagayon na mutya sa bilog na rehiyon Bicol. Sa saiyang pag-preparar sa masunod niyang contest, ang nationwide search for Miss Teen Philippines, sinabi ni Jiggy na kinaipuhan niya mag diet buda magreview sa mga possible questions na pwedeng hapoton. Kaibahan an saiyang manager, sinda malarga puntang National Capital Region para sa saro nanaman na prestihiyosong pageant na magrerepresentar kan Catanduanes sa bilog na nasyon.

2. Kandidato Pagka-Mayor nin Bato Magkaiba an Istilo nin Pangampanya

Todo pamidbid si Rodulfo, habang relax lang na nag-aasikaso si Rodriguez. Sa satong nahihiling sa banwaan nin Bato, todo pamidbid si Juan Rodulfo kan saiyang sadiri, paglatag nin plataproma sa paagi nin pangampanya sa manlaenlaen na lugar sa Bato. An ebidensiya, an halos urualdaw na dae ta siya natsatsambahan sa saiyang harong dahil sa pagpunta niya sa mga barangay nin Bato. Habang si Rodriguez, magkapirang aldaw tang nakahulon sa saiyang harong. Duman niya pinagmmi-meeting an saiyang mga lideres, mga katuwang na punong barangay katuwang an saiyang agom. Sa magkapirang beses tang pagpunta sa headquarters kan duwang magkalaban na Mayor sa Bato, kun hihilingon, parehong dakolon na tawo an nagpupunta sa headquarters ni Jhonny Rodulfo buda sa harong ni Mayor Leo Rodriguez. Si Rodulfo bukod sa saiyang harong na nag-aako nin bisita, igwa pa siyang headquarters sa Bato Poblacion. Si Mayor Rodriguez an ginibong headquarters an saiyang harong sa Batalay. Parehong mahigpit an seguridad alog kan ibang kandidato. Na dae ka pwede makalaog kun dae ka mahagad nin permiso sa nagbabantay, kaipuhan simbagon an mga hapot o magpahiling nin I.D. lalo na an mga media personality.

Sarong pagbati ng happy listening kay kagawad Johnny Soriao nin Tilis Bato and Happy Birthday today kay Ate Juvy Matienzo ng JC CUA Group of Companies.
Rodulfo