Catanduanes Forum

MGA KANDIDATO SA BANWAAN NIN VIRAC, NAGHARAMPANGAN KAN ABRIL 16

Alas 6:30 nagpoon an Candidates Forum Municipal Level kan nakaaging Biyernes. Dakolon man na tawo ang nagdangog sa plaza. Dakula man an bentahe ning live coverage kan Radio Natin FM para sa mga dae nakapunta. Sa mga nagkakandidatong kagawad, saro saro sindang nagpamidbid, sinabi an saindang accomplishments sa sadiri o sa saindang barangay. Presente sina De leon Jr, Surtida, Sarmiento, Clemente, Urbano, Zafe, Bagadiong, Gabao, Zuniega, Talaran, Zafe, Aguilar, Bagadiong, Isidoro, Candelaria, Balmadrid, Sorra, Abella, Mendoza, buda igwa man ning mga dae nakapunta alog ki Roy Laynes, Delia Bagadiong buda Cito Alberto. Sa Ikaduwang Parte o an Open Forum, sinimbag kan mga nagkakandidato an sampolong hapot hale sa sampolong miyembro kan panel. An enot na hapot naka-address ki Mayor Zafe manongod sa pag-apruba kan kaso sa Petron maski na ngani nagbalgar sa requirement kaya naimplementar an Zoning Ordinance. Sa ikaduwang hapot, an EBMc, bilang sarong tertiary hospital, painano masisiguro na covered kan Philhealth an bilog na populasyon kun dae nadedeterminar kun pila an indigent o nagtitios sa Virac. An mga nakatukaw sa stage na iyo man nagsisimbag sa mga kahapotan na ini sa nagkakandidatong Bise Mayor si Raul Panti buda Alip Abundo. Sa nagkakandidatong Mayor si Idoy Tablizo buda Santos Zafe. Absent sina Roy Laynes buda Cito Alberto. Sa ikatolong hapot, an Virac bilang sarong coastal and agricultural municipality ano an mga gigibohon para sa self-suffiency kaini lalo na sa panahon nin kalamidad. Pang-apat, kun tataw an ka ning chansang manggana, painano mo gigibohon na globally competitive an mga saday na negosyante sa banwaan? Gabos man pabor an simbag sa sunod na hapot kun Ipupursige ninda an landfill maski na ngani habo nin kadaklan. An sabi ni Zafe ipupursige ini bako para sa imo kundi para sa kinabukasan. An simbag ni Idoy, ipresentar ini sa tawo, Yes if the price is right. Hinapot man kun nata daeng istrukturang pwedeng puntahan an mga inabusong agom, kababayihan o mga aking napabayaan. Natapos an forum matangang banggi. An Forum na ini ginibong possible kan mga minasunod na organizers. Catanduanes Bankers Association, PPCRV in cooperation with DILG, COMELEC, PNP, Phil. Army, DEPED, PIA, Radio Ng Bayan, Catanduanes Press and Radio Club, Rotaract, Knights of Columbus and Catanduanes Medical Society. Ngunyan na bangi, naka schedule man an Candidates Forum sa Provincial Level. Ini papartisiparan kan mga nagkakandidatong Congressman, Gobernador, Bise Gobernador pati mga PBM.