Catanduanes Forum

Virac South Destino nin Grupo kan Gobernador Ngunyan na Semana

Virac South an destino kan grupo ni Gobernador Joseph Cua ngunyan na semana. Kan Martes, nagkaigwa sinda ning Voter’s Education Campaign sa Magnesia. Ang Voter’s Education Campaign na ini iyo an nagtutukdo sa mga botante kun painano an pagboto gamit ang automation system. Casu udma, nilibot ninda an mga Barangay nin Balite, Hawan, buda Mamangal. Alas 5:00 ning hapon ning makaabot sinda sa Palta Big dara an 8 sasakyan pati magkapirang traysikel.

Ki Verceles An Pandan, ki Sarmiento an Viga Hanggang sa Aga

Poon pa kan lunes, asa Viga na an grupo ni DOTC Assec Cesar Sarmiento na nagdadalagan pagka-Confressman. Nilibot ninda an mga barangay kaini nin bilog na lunes, martes, buda kasu udma. sa agang aldaw an saindang pagbalik sa Virac. Kan Martes man, nagsunod an grupo kan kalaban sa parehong posisyon na si Jun Vercales. Ipinagfeed sato sa paagi nin text message kan tugang nin sargng local na peryodista an diumanong pag-agawan kan cellsite area nin Smart kan mga grupo ni Sarmiento buda ni Verceles kan sinda sabay na mangampanya sa Tambongon Viga. Aaramon ta po an bilog na detalye kan istoryang iyan aban-aban. Pagkatapos sa Viga, asa Pandan ngunyan sina Verceles samantalang paparibod na man nin Virac sina Assec.

Sa Bato, ki Rodriguez an Cabugao, ki Rodulfo an Mintay

Agang alas 8 kasu udma asa Cabugao area na an grupo ni Baro Mayor Leo Rodriguez dala an apat na sasakyan. Dae man nin masyadong tawo sa saiyang harong sa Batalay. Mahigpit man ang seguridad, sabi kan mga gwardiya o nagbabantay sa saiyang harong, pig-iingatan nindang dae nin maski kun sasakyan makalaog nin basang, alog kan mga naenot nang personalidad sa media na sabi ninda, basta oa sana naglaog ning dae nagpabisto o nagpahiling ng ID. Ang kalaban na si Johnny Rodulfo Mintay Bato an destinasyon kan saindang grupo kasu udma. Pagbalikta nin Bato poblacion, buSy na man an saiyang headquarters sa enotan lang kan munisipyo.

Mga Nang'ana sa Miss Teen Philippines Catanduanes Marepresentar kan Probinsiya sa Miss Teen BIcolandia

Limang magayonon na mutya an marepresentar kan satong probinsiya wa Miss"Teen Bicolandia sa masunod na semana. Sinda ang mga nanggana sa Miss Teen Philippines Catanduanes na ginibo sa Virac Sports Center kan nakaaging Byernes, Abril 9, 2010. An mga ini sina 4th Princess Zennife T. Teves, 3rd Princess Candy Marilyn Vollinger, 2nd Princess Charisse T. Tolledo, 1st Princess Crisanta P. Benitez buda an Miss Teen Philippines Catanduanes Jigg Kirsty Ang. Anc Misr Teen PhilipPines ay inorganisa ning mag agom na CRIS TIONGSON buda JANICE TEOPE TIONGSON ning CJ Events and Promotions.