Catanduanes Forum
Mardos naging Kinis
Maestro
Huray na panahon na sugna naghari ako sa Payo, nagilumduman ko dagos ninyo nakita ko yo sadong hawong na dili ko malilimutan. Ga untad ako sa bangko sa puneraria nin St. Peter sa Quezon city ninyo kinuha na nin atong Mahal na Diyos yo tatay kong si Ponciano nintong Marso 2008…”Godo!” kagsing ko sa sigurado kong si Edgardo Morales na bata ni tatang Kikoy. Ano man daw ta dili lamang nagngalas na sa loog nin 20 anyos boko na akong midbid. Kinabig yo abaga ko.” Dr. Morales na ako to Udi”….”siin ka na ninto?” Dili lamang ako nakasimbag diretso pero sa loog nin puso ko grabe yo pasalamat ko sa tahong too na naging Maestro ko sa luwas nin eskuelahan.
Nagilumduman ko sugna adon ako sa ato na grabeng tios nin ginhawa pati puso buda isip yan pag pursige niya nin pag adar nganing makatapos man lamang sa kolehiyo.Pirming ikan yan ribbon sa stage pag-abot nin graduation. Gurang si Godo nin mga 6 na taon sa ako. Manoy ko na yan pero pagkainamigo ko pa.
Bintor
Nag istoryahan kami nin dwagi,” sa Dubai na ako Dr. Morales...ga par painit makahanap man laman nin dwaging imo”. sabi ko sa kiya. Sa among pag kita naaraman ko na nag Masteral Degree na paran pati Doctorate sa Manila si Manoy Godo.Pagka inugma ninyan boot ko na sado na paran na Principal nin Ramon Magsaysay High School sa Quezon city si Manoy.
Maboot na taho dili lamang ako nakadungog nin pag hambog sa gabos na taho sa loog nin St.Peter Chapel. Yan nasabi lamangniya bago kami mag burag..” Idrowing mo daw Udi yo baray ko ha!”sabay kogos sa ako.Nagburos yo luha ko sa kaogmahan maski aram ko na huray nangman na panahon kami magakita.”Iso…basta magbura ka sana kon oya man ako” kuninyan baga kita kon gakita sahuray na panahon na mai laman balita sa sadong taho na kaiba-iba mo sa pamintor nin kinis sa bonbon hanggang sa Arinawan.
Sangod ( Pampa swerte daa)
Bago kami mamintor ni Godo, pinaghuno pa ngona niya ako nin pag gibo nin bintor, sako nin bagas na straw yan pigalubid namo bago huhukoton nabaga net nin basketball, serado sa irarom tanganing masupot yo kinis. Yan pag butang nin paon kaipuhan bubutangan nin gumon nin abaka tanganing dili makiit nin kinis maski painanuhon to. Pag tukon nin buronsina na ikan alambreng tiniko nganing ikawit sa palutaw na basiyo nin brake fluid na ginakudan nin tansi o lubid nin sako. Kaipuhan bokong mabugat yan dara mo sa pamintor ta pg paribod masakit magbitbit nin lata nin gas na butangan nin mga kinis na among nadakop. Ang pag gakod sa kinis importante , gamit yo dahon nin sasa pinag huno niya ako . Sangod -pampa dakor nin binintoran, kaipuhan man nin mga patara tara , ginakod na sa kawit na piga sagwan namo. Uro nin Mardos! he he he
PAON
Bago paran kami mamintor ninyo gabi pa sana pinuhag namo nin asupre yo manok doon sa itaas nin dumagta ga ponok na. Ay indang ibingan baga to nahurog na lobi .” Pagkaon na baga yan migo …ta ipag paon ta baga yan?”Simbag ni Maestro…Sadong mardos katumbas dawhang latang kinis na ariginhan.
Pag paridod namo ilibod na namo yo binugkot na sakayan sa CAIC. Ingat sana ta baad hamas hamason ka nin kagsadili nin sakayan na huray na gahurat sa parpamugkot. Tupas na amigo ta pag kainunga.
Moral Lesson sa Pamintor: Travel Light sabi nin mga taga Manila. Tanganing makatupas nin maispid.
Hay! Pagpakaon nin panhapon na kinis”ano naman daw yan gigibuhon ta sa Sabado?”
MANANGKAR NAMAN KITA! SANGKAR,MANUWAY, MANGAMBIT.MAOGMA BAGA.
KUN SAWA NA KAMI SA SUBA SA BARIURONG NAMAN O SA CABUYUAN. MAKOPRA NAMAN.
Barik barik man sana yan. Mga amigo si Manoy Godo sado nang Principal nin Quezon city…baga dipisil na kaming mamintor otro ta inda kon ikan pa kinis sa bonbon. Lain na yan atong linyada nin trabaho ninto maski napungaw kita na gusto ta pang bumarik sa dating pigagibo ninyo bata pa kita. Dili ta man nalilimutan yan atong banwang binayaan.mabarik man sana kita.Magayon yan banwa ta CATANDUANES yan kagsing nin atong puso.
Sado ka nang Doctorate, Engineer, Architect, Accountant , mekaniko parauma gabos..maski maeng trabaho... buhay sa sa Catanduanes. Mabalos!
Yan PAON sa pagdakop nin imo…………MAGHIGOS! AYAW MAN PAGLIMUTI YAN KAGURANGNAN TANG DIOS.
Inagihang Buhay
Pagkaginayon ng inagihan mong buhay simple sana pero nakakahidaw na inagihan ko man. Paraiso talaga ang atong isla ang bukid ang sapa ang dagat mga magagayon na experiensya ang atong naagihan. Dai mapapantayan ang natural na gayon kaya hangad ko sana dai mauyag ang atong isla lalo na sa plano ng pagmina. Higus at hinguha lamang ang kaipuhan bubuhayon na kita ng atong isla pareho ng atong mga ninuno na guminurang ng higit sa atong mga magulang. Mahaba ang buhay at inapod ng atong mga magulang na dipunguran. Kaso aki pa ako inabutan ko pa lola ko sa tuhod at kinakanta pa niya ang mga linyang ito.
Oh ano na sana idto sakit na inagihan ko
mina lakaw minatakbo sa pagdurag sa eroplano na hare sa Tokyo
minsan kutana lingwan kudkudan at bithayan daradara lusong sa babatngan karga karga si nonoy ang agrangay Diyos ko Diyos ko salbara kami sa putukan.
Hapot ko pa ang lola ko kaso aki pa ako ano putukan? Ay iyong giyera iyon noong panahon nin Hapon.
Masuerte talaga ang buhay na inagihan nato.
Rudi total pareho buhay natin bisita ako saimo dyan sa Payo. Barkada baga pero dai ako madagos sa imo. Madagos ako sa pinsan ko si manay Apang mamay ni Father Sid. Mapagoter baga nin kinis ang sadya ko.
Paon sa kinis
Ang paon ko sa kinis mga ogdok na nakukuha namo sa panarap pag gabi. Pano makunat at ibutnor mo sanang saray kaya lang sa loog mismo ako nin fishpond nin akong mga tiyuhin namintor kaya kadakor kung nakukuha. Dati bihira man pano yo gabakar sa amo sadong baryo man sana. Kung ibyahe pa namo sa banwa magastos pa nin gasolina. Mai pa man pano dati nakaloog yung mga auto ta pirming uyag yo tinampo. Sad to say nong magbakasyon ako mai na yong tatlong fiishpond ta naburwat na yo mga dike sa paburbagyo. Mai na ko makuan nin kinis masakit na. Gusto ko kutanang ipadiyag kaya lang kadakrong gastos at dili ko na maaasikaso. Sagana kami dati sa kinis. Pag gusto kong kumaon gapaduros lang ako sa gate nin fishpond pag hunas at presto me beinte kinis na yo asa loog pipiliin mo yo mga dakuro na at ibarik yo madyamo pa.
jdeleon
Paon
i like the post na ga impart values on humility and gratitude.
udi, ano daw na parte nin manok ang masubad sa kinis? iud, adidas, liog, hita, pakpak, puwet?
ang bintor ay kadakran gibo sa buro yong frame. ikan man bakal. nakakita ako ni bagong design - foldable na hari pa sa ato ng isang pinoy ofw sa saudi. kadinakor pano doon nin kasag.
kadakran na paon sa ato ay inambitan na or isda. ang pigapaon ko ninyon karimpi ta mii na pigabakar. madaring magkuha. ikan man ga paon nin kabakab o taprang. ikan taga penafrancia na ga paon ni ogdok pang kasag. pag piga guda nakasadong sako o sobra. pero con boot mii man nakukuha. arog sa negosyo, propesyon o buhay, there are periods of highs and lows.
kigot nin manok
Basta ikan kagat yan makaon sa parteng hita yan nin mardos yan paborito nin kinis migoy.Pero yan manok ninto mahar na baga ,mag gibo na sana kita nin bobo ,ibutang mo man sana sa pag urtanan nin mga sasa na medyo ga agihan man nin kinis .maski kopra pigakaon yan nin kinis maski anit nin karbaw na huray na. sige GAT ta sa ardaw sapyaw ako pati sa gabi ambit pa.ay inda...gayon nin mga sasanhan sa palibot daog yan na mga building dyan sa Nuyok.
MABALOS!
manok@rp
piga paon ang kigot nin manok?????
sabagay masiram talaga yan na kigot nin manok...natok. hehe
pero mas masiram kinissssssss........
dati gaiba ako ki papa pamintor sa maragkiw....
"i'd rather be RIGHT..............than LEFT.............alone!"
KIGOT mo
Sa bagamanoc KURACOG...sa Payo KINIS..babaye yan sa Payo.. Ipakagat ko na sana yan Kurax na yan sa KINIS tanganing maglupos na..hajapdos man pag pirming ga tindog.. hye he he
"Look not what Catanduanes can do for you,but what you can do for Catanduanes"
DA BEST NA PAON SA BENTOR
kung si tang kuli ang hihingunyon nyan, ang numero unong masubad daa, radyo ta ga tugtog. pagaduropon duponan da yan nin kinis. hehehe.... si tang kuli, sya ung ataman ni tang baybit na sado man na bantog na parpamentor sa bonbon....
parpamintor
si kuli ? haen na daw si kuli..
kuli
adon pa sa payo.