Catanduanes Forum

Burod,Taprang-Taprang San Miguel, Payo CATANDUANES

Ay inda ta ninyo mga bata pa kami pag asa Payo na yoTatay ko tabangan nin Diyos na si Ponsing na bata ni Lolo Imbo na ikan bokor sa uro.(alkansiya da yon)
Dara-dara yo motor na hari pa sa Wake Island sa Pacific(U.S.A).Aga pa sana kun bakasyon sa eskwela mapa burod na kami gabos sa pamilya.Pamana ninyo Lolo ko sa Tatay ko doon sa harani na sa taprang-taprang sa bariio nin San Miguel, dara-dara yo pagkabinugat na galon nin tubig na inumon, maski ikan man ugban doon sa burod,Yan among isda sa humay na doon na lulutoon sardinas na Ligo na hahaluan nin ubod nin barukon.

Barukon:-
Sadong tinanaman na baga lobi-lobi na yan dahon baga sa bunga na piga gamit nin mga paramama.Hamak pang tatabtabon namo yon nganing kukuon sana yo ubod na pagkasiniram na ihalo sa sardinas. Inay kon manamitan mo dili ka na to maparibod na dili ka madara nin ubod.Siram!
Pagkakaon nin alas diyes maga gabi na nin mga harangkaw nang mga gabon ta lampas na sa mga kamoteng-kahoy na tinanaman namo.Grabe na yo mga bunga nin saging, mga abaka pigapa hag-ot na namo sa mga taga San Miguel.
Ingat sana sa haras ta nakagat na ako to migo doon sa kan ki Lokdo, madyag ta ikan parburong na linawoyan sana yo nina ko pati binutangan nin sungay da yon nin usa. Ay inda kon siin na usa yan hari sa Catanduanes.Diyos mabalos ta buhay pa man si Udi.Nakakita pa nin Camel.he he he.

Pagkapanu-bas na namo nin mga saging pati pagkakutkot nin mga kamoteng-kahoy o tapioca sa Spain(patyoka sabi nikatipay na taga Loran), mapunta na kami sa tamping ibaba nin labo namo ta adon yo mga iwata na nanginaon sa mga silong nin mga harangkaw nang kakahoyan.
Kaiba-iba ko si Tatang Alos na Villarey na ikan man labo doon ta Francisco man baga yo naubon niya yo Auntie ko si Nanang Tinang tabangan nin Diyos.Dara-dara yo among mga hinandang lubid na ikan pa tansi,babawogon na ni tatang Alos yo pinili niyang kahoy na haharian nin dahon ni,igakod nay o lubid gigibuhon nin litag . Malinig yan agihan nin mga iwata sa labo ta pirming doon yan ruta ninyan or ardaw. Adon mo madudungog yan sari-saring huni nin mga iwata pati kugaok nin mga abukid.
Bago mag gabi titibawon na namo yo mga litag kon ikan na nadakop.Inay mga abukid pati mga kadagkurong iwata na baga salampati dara gabos,Siram ihawon ni tatay ta doon na kami ga katurog sa among duyap na pirming ikan ga bagang dugang na mga kahoy pangontra sa mga hayop sa gabi pati sa lipot pati mga namok.
Pagka aga titibawon otro yo mga litag ikan namgman,pati haro nadakop man ta pagkakinusog ninyo gakod sa litag . Piga dangop paran nin mga haro yo mga manok na abukid na dili namo natibaw. TIGBAK NA.

Masiram man paran yan haro daog pa yan manok.Inihaw to ni Tatang Manding. (Puro na yan naenot na) Pirmi kong tagkos yo minasbad ko ta hona ko buaya na yo nalitag ko.
Inda kon ikan pa opon ninto saTaprang-taprang. Pati mga Orang , kasili pati Tangka ikan pa yun don sa ugoban nin tubig.Piga par hilo nin Endrin ninyo mga taga sunset.
Ay inda ta pag nabaor ko yan lilitagon ko yan, atipilon ko pa. Dapat sa kila pakaunon nin NAMO na dili binabad sa sarog.Hilo baga yan pag dili ka batid magsapsap, pero siram kun ikan na tagok nin lobi medyo tatamisan mo nin asukar na brown, OY! Guda-Guda baga ka nakaambit nin pasayan sa Fishpond.

Sige na na dipisil pa yan pag lugdog ko ta kabinugat yan baktot kong mga kamote..pati yo tinago kong baron na ilaga pati iwata…ikan pa kami guyod ka kahoy na pang gatong sa kusina namo sa luwas nin baray.
Hurat daw ta baga mae nay o motor ko.! HOY! Batlay
nangman……..BINUGKOT NA.

MAOGMA!!!!CATANDUANES YAN!

ATIPIL
Kawayan na dakuro na ginibo nin pandakop nin mga ilaga sa bukid.Pag surok nin ilaga sa irarom ta kakaonon yo paon …KLOK! Dakop ka na !dili na makaluwas ta maiilpit na yo uro nin ilaga sa bukid.Pagkadinakor , kadagkuro pa na ilaga yo nadakop ni Tata. Ay inda nyan ta kakaonon paran yan! Hinarian na nin mga panit linuto sa suka na ikan tawyo..yo iba inihaw sana. Pagkahinamot! baga man manok. Sige man yo kaon ninyo mga par hagot pargabi..gabos.Ninamitan ko talagang masiram kaya kaon man si Udi.
Sa Manila ninyo nakita ko yo mga ilaga sa mga imburnal …tayon ta magima yan ilaga(BUBONIC -PLAQUE) sa siyudad? Ngee!! Ay inda maski bayadan ako nyan dili sid ako nyan manamit…(pag binayadan ako nin sadong milyon na dolyar ..mapagibo ako nin dakorong ATIPIL.
Ha ha ha,) sa China specialty yan..pampakusog sa mga nag Olympics. He he he ,nagilumduman ko yo Burod ni Tatay…MAS MALINIG YAN ATONG BUROD, BANWA, MGA ILAGA!.
Ano na daw yan nangyari ta mae na kami doon. LI- TAG, ATIPIL, KAMOTENG- KAHOY, BARUKON, ABACA,SAGING, DUMAGTA, KAMAGONG, HARAS, HARO, IWATA….MAGAYON PA MAN SID YAN CATANDUANES MASKI MAE NA KITA.
Mai man sana Pagminaha o ilegal na LOGGING.
Pag nagbakasyon kami sa Payo ipapa aram ko sa akong bata nasi Paolo kun painano yo buhay namo ninyo kami pinagpar patukad kami sa lati ni Tatay namo ninyo buhay pa, sila man kuninyan man yan pina isi sa kila ni LOLO ANSELMO (panahon pa nin Hapon).

MABUHAY ANG PAYO! MABUHAY ANG CATANDUANES!