Catanduanes Forum

KANTA NIN PUSO"
Mon, 06/29/2009 - 21:19 — john_torres
“KANTA NIN PUSO”
(para sa mga nag-hibi dahel sa pagkamoot)

Ni: John Torres

Paghona ko an naka-aguing estorya sako nang
malilingwan,
Ngata garo ipo-ipo ining minabalik sa lambang
pangatorogan?
Sa huyom-huyom nin rosas naheheling saimong
kagayonan,
Maski ika an dahelan kan sakong dae masukol na
kapung-awan……..

Pan-o isasa-tingog an manga kanta kan puso,
Kun nawara sa daghan an hamis nin pagsuyo?
Haen an bertud kan daeng tig-an na pangako,
Kun lingaw na an liriko kan satong soneto?

An paghona ko satuyang himno dae na mapapara,
Ngata naraot nin suoy kwerdas kan satong harpa?
Winalat sa lawod an misteryo kan dusay na musika,
Tinalikdan an sumpaang dae kita maki-duweto sa iba.

Mananamitan pa kaya an nag-om kan saimong hadok?
Kun an linya kan saimong kanta sa puso bakong udok?
Matunaw pa kaya an niyebe kan tikab na maliputok?
Kun an init sinarom na nin lipot, pati buhay ginumok?

Sampaguita nawa’ran nin hamot kan ika maghale,
Sa pagsubsob nin aldaw kapung-awan an pagmate,
Madara pa kaya sa altar an masiram na lengwahe,
Kun sa tugtog nin pagkamoot dae ka na mababayle?

Sa silencio na sana dadangug-gon satong kantang ginibo,
Lalamuson sa irarom nin dagat an puso kong winalat mo,
Burabod nin pag-asa pagal na, na-dugang asin nagpundo,
Sadiling buhay runuton na sana, tuktukon nin pinong-pino!