Catanduanes Forum

Ngonyan na eleksyon, mahihiling ta kung ano ang mga karakter ning mga satuyang pipilion na lider ning Catanduanes. Mahihiling ta man kung pano ninda piga simbag sa paagi ning gibo asin pagtalam ang gabos na hapot ta sainda, na hanggang ngonyan, su ibang hapot, dai pa man nasimbag.

Pero, bago sinda, hilingon ta ngona ang satuyang mga sadili. Grabe tang nasasabi sa mga kandidato, minsan gabos na sala piga ta o ta sa sainda, pero, igwa man daw kitang naginibo para sa karahayan ning Catanduanes? Bako man sana sinda ang dapat hapoton kung ano ang pigagibo ninda para sa Catanduanes. Ang sadili ta, hapoton ta man. Ga reklamo kita pirmi ning sala ning gobyerno, pero, kita daw, ano ang pigagibo tang tama? SAbi kang mga gurang, pag nagtutulo ka sa iba, hilingon mo ang apat na mulo mo ta ika ang piga tutulo. Ang sabi man sa Bibliya, hilingon mo ngona ang mata mo kung iguwang ati, bago mo hilingon ang ati sa iba. Alisto kitang maghiling ning sala ning iba, pero su gibo ta na sala, piga takpan ta. Alisto kitang magreklamo sa mga ngyayari, o kaya sa sistema ning pulitika, pero siguro, dapat bagohon ta sadili ta ngona. Magbasa ka ning dyaryo buda internet, ta mababasa mo ang gabos na kaatian ning mga ga dalagan sa pulitika, pero, sabi ngani, we create the monster that we are afraid of. Kung iguwa man ning buwaya sa politika, dahil an sa satuya man sanang pag bongog bongogan, o kaya, dai pagribok kung ano ang nahiling ta. Kung ga balakalan ning boto, kita man sana ang dapat basolon kaan. Ta kung kita Kristiyano, daing matios na kaibahan ta, kung batid kitang magtabang, o mahilak sa ibang tawo. Kaya, daing dapat basolon, kundi kita man sana uya.
Ngata, ta pag asa ibang nasyon, batid kita ning disiplina, pero pag uya sa sadiling nasyon, dai kitang pakialam. Ang mga pulitiko, tawo man sana an. Bako an na Dyos na dapat pag sambahon, bakong santo, pero, minsan, mas malala pa ngani kita sainda. Kita, tago ang mga pigagibo ta. Ta ang rason, dai man kita nahiling, o midbid. Pero, ang Diyos ang nakahiling ning gabos. Mas matakot kita ta maski sa dolom, ang mata ning Diyos, mas mariwanag pa sa aldaw.
Kung ang pulitiko sabi niato mahab-on, bakong minsan, ginibo ta naman an? Maski ngani diit na bagay na pigakua ta, basta bakong sadili, pang hab on man siyempre. Makulog na isipon, pero totoo. Sabihon ta sa pulitiko, mga bubuwaon sinda. Pero, ika kaya, dai ka nagbubuwa man? Maski sabihon tang "white lies, it is still a lie." Sa Dyos, dai jan ning white or red lies. Bubuwa pa man siyempre an. Ga reklamo kita ning mga ati sa paligid ta, pero, pigahalat ta sana o pigahiling buda piga agi agihan ta sana maski na-ati na kita.
Siguro, mas mayad pa ngani ang buta, buda ang bongog. Dai ninda nahihiling ang mga ati ning piga gibo ta sa sadili buda sa paligid; ang bongog dai sindang nadadangog na muda o kaya mga kalain na tataramon.
Pigtaw an kitang isip ning Dyos, ning puso, na atamanon ang mga kataning ta, bagi man sanang alog ning pag ataman ta sa sadili, pero maski ngani kapamilya ta, piga takwil ta dahil lamang sa diit na bagay na dai man niato madadala sa kagadanan. Mahilig kitang magsabi ning balimbing, pero, hapoton mo ang sadili, pilang beses kang tinuwangan ning salong tawo, pero, ngonyan asa iba ka nang kampo.

Ang gabos na bagay, mabalik saimo, kung ano pigagibo mo sa iba. "What you sow, is what you reap." Ang mga leaders na maluwas ngonyan na eleksyon, answerable sinda sa Dyos mismo. Ang Diyos ang nagkahang sainda sa pwesto. It is ordained by God. Pero ang pagbabago ning salong nasyon nasa satuya man sana. Kung dati pa man siyempre kita, maski anong linig ning ikahang ta sa pwesto, ma aatian ta man sana siya. Kita ang dapat mag bag o. Ang pag isip ta, ang gibo, ang pagtalam.
Gusto ko lang na ihagad sa gabos na tawo ning Catanduanes na ipagdasal ta ang eleksyon na ini. Tapos, kita man, mag poon nang maging alisto sa pagpili ning matukaw sa pwesto. Daing dapat na ibang rason, kundi, sa konsensya; ta ang konsensya, boses an ning Dyos na kinahang sa saimo. Pero, kung manhid na kita, dai na kitang dapat sisihon kundi kita man sana. Kahilak man ang isla tang ini. Ang kauswagan ning Catanduanes, asa saimo nang kamot. Ano ang gigibohon mo???