Catanduanes Forum

Nakadangog ka na ba nin arog kaini? Nakagamit ka ba kaini. Naisip mo na ba kung hanta nagtatao sinda kaini?

Well, ang complimentary pass, itinatao sa mga tawong nangangaipo na makalarga palipat sa ibong. May nakapagsabi sako na ini kinukua hari sa budget nin probinsya. Ini para makatuwang sa mga tawong dai nin kakayahan na makabakar nin saindang ticket. Pero iba man siguro ini sa Annual Pass na niluluwas nin opisina kan shipping lines. Pero yan ang dai ko lang aram.

Nakagamit na ako kaini minsan. Totoo, libre talaga ang sakay sa lantsa. Pero aduman ka matukaw sa luwas. Tinao ang passes sako nin sarong kaklase na ang pamilya nagtatrabaho sa pamilya kan may kadsadili kan shipping lines.

Napaisip ako kan naaraman ko na ini dapat itao sana sa mga nangangaipo. Although, nangaipo man ang samong pamilya pero bakong sayod arog kan sa iba.

Ini ang naglaog sa isip ko:

> ang nakakakua nin passes iyo so mga may kapit o konektado sa siisay man ang nasa laog kan kumpanya.
> harayo sa mga komon na tawo ang benepisyong ini ta diit sana ang nakakaaram na ang budget kaini hari sa probinsya.
> ang aram nin tawo ini pigapaluwas nin kumpanya kang shipping lines na dae nin parte ang gobierno sa pag finansiar kan mga nasabing passes.
> na dai gabos na nangangaipo natataw'an kaini.

Gusto ko lamang magkaigwa pa nin iba pang kamatidan patungkol sa isyong ini. Naway mataw'an nyo ako, kamong mga nakabasa nin mga sinusurat digdi sa site na ini.

Ako dai man gakontra kung kiisay man, gusto ko sanang ipahiwatig ang sakong namamatean patungkol sa mga bagay na kaipuhan nin kasimbagan.

Rodel S. Donguya, July 28, 2010
E-Mail Address: rodelsd2007@yahoo.com