Balintayns di nin Mag-agom (Valentine's Day ng Mag-asawa)

Submitted by kurukay on Sat, 02/13/2010 - 2:33am

An bulan nin pebrero iyo an panahon
gabos na mga tawo saro an inspirasyon
pagkamoot baga sa saindang ilusyon
pinapahiling ninda sa gibo man o tataramon.

Sabi ngani nin ibang minasurat nin liputok
an satuyang puso pag igwang tuminudok
maski anong sakit armalayt man an itutok
hihimuhon gabos sa ngaran nin pagkamoot.

Ngonyan na panahon ano na daw an sitwasyon
igwa pa man daw siram an lambang huyomhuyom
minakogos pa man daw si agom ki agom
o sing-har na sana ta mahagad ning mam-on?

Aldaw nin pagkamoot nahalean na nin daripuyot
naging 'bag-ong taon' sa parteng madiklum
ang kakugus baya bako nang si agom
nalingawan na an mga nakaaging panahon.

Hare man pagringawi an siram ning nakaagi
an hapiyap pati dukrit lalo na pagmatangang banggi
habang minaawat hare man pagringawi
sabihan an agom ta nin hapi balintayns di.