Aram man daw nindo? Part 4 at 5

Submitted by rejtatel on Fri, 02/19/2010 - 7:20am

Part 4

HAPOT: Sin-o an legal na kagsadili nin surat (letter/mail matter) o anuman na nakasurat na pribadong komunikasyon (written private correspondence)?

SIMBAG:

Segun sa Artikulo 723 nin Codigo Civil nin Pilipinas, an kagsadili nin surat o anuman na nakasurat na pribadong komunikasyon iyo an pinadarhan o kun kin-o naka-address ini. Pero, dai pwedeng ipublish o circulate kung daing permiso an nagsurat.

Part 5

HAPOT: Harimbawa so orig, o ayam o kuting o anuman na "domesticated animal" na pagsadiri mo nakawala o nagbaryo sa kapitbahay mo kung sain inalagaan buda binahog na nin kapitbahay mo, igwa man daw nin posibilidad na an kapitbahay mo na an maging kagsadili ninto?

SIMBAG:

Segun sa Artikulo 716 nin Codigo Civil nin Pilipinas, dapat an kagsadiri bawion an nasabing orig o ayam o kuting o anuman na domesticated animal sa laog nin beinte dias. Kung dai bawion sa laog nin beinte dias, an magiging kagsadili na ninto iyo an saimong kapitbahay o kung sin-o man na kumupkop.

hapot

bo romero's picture
Submitted by bo romero on Fri, 02/19/2010 - 5:43pm.

Sain daw tabi mapoon at sisay an ma-determine kang pagbilang nin 20 days? Halimbawa...kung ako ang nakakupkop, pwede kong sabihon na lampas 20 days na sako ang hayop na napulot ko pero 15 days pa man sana palan.

Simbag: Segun tabi sa ley na

Submitted by rejtatel on Sat, 02/20/2010 - 1:27am.

Simbag:

Segun tabi sa ley na nabanggit, an poon nin pagbilang nin 20 days iyo an aldaw na napulot ini o kunopkop nin sin-o man na nakapulot so hayop. So an nakapulot iyo an piyapaboran nin ley ta siya an madetermina nin pagbilang nin 20 days.

Sa halimbawa tabi na tinao mo, ini an simbag:
an ley tabi mina-palagay (presumes) na an tawo maakto nin honesto y segun sa katotoohan (Ar. 19, Civil Code). Saro pa, saro sa mga piya-apod na disputable presumptions iyo na an ley nasunod (that the law has been obeyed) [Rule 131 Sec. 3 Rules of Court].

Kung dai naging honesto y totoo so nakapulot, an kagsadili na gusto mabawi an saiyang hayop igwang karapatan magfile nin civil case na piyaapod na Replevin para marecover an saiyang hayop. An korte an madisisyon kon nagsasabi ka nin totoo y con sin-o sa inyong duwa an tutubudan base sa ebidensya na isumitir nin lambang saro.