Catanduanes Forum

HAPOT:

Con gusto mo magtanom nin kahoy sa gilid nin saimong daga, ano dapat an distansya kan tanom mo na kahoy sa pagduhlhunan (boundary) mo buda nin kanatad o kapitbahay mo?

SIMBAG:

Segun sa Articulo 679 nin Codigo Civil nin Pilipinas, primerong ikunsidera con ano an ordinansa na epektibo sa sarong localidad.

Con daing ordinansa, an panduwang dapat ikunsidera iyo an costumbre sa sarong lugar, o con ano na an nakasanayan nin mga tawo.

Con daing ordinansa o costumbre an sarong localidad, ini an dapat na distansya hari sa pagduhlhunan:

-con halangkawon na mga kahoy an itanom mo, dapat an minimum na distansya hari sa pagduhlhunan dos metros (2 meters).

-con saraday na mga kahoy o shrubs, dapat an distansya sa pagduhlhunan minimum na singko sentimetros (5 centimeters).

An saimong kapitbahay igwang karapatan na ipalabnot (uproot) an mga kahoy na an distansya nin pagkatanom dai sinunod an ley na ini.