Catanduanes Forum

Part 2

HAPOT: Ano an totoo sa kasabihan na "FINDERS KEEPERS"?

SIMBAG:

Base sa Art. 719 nin Codigo Civil nin Pilipinas:

Con sin-o man an nakapudot o nakakua nin sarong bagay na pagsadili nin iba, dapat ibarik iyan sa sin-o man na kagsadiri.

Con dai aram con sin-o an kagsadiri, dapat ideposito an nakuang bagay sa opisina nin alcalde nin munisipyo o ciudad con saen nakua an bagay.

An alcalde obligado na ipabandillo sa duwang magkasunod na semana na nasa saiyang opisina an bagay na nakua.

Con an bagay na nakua malalapaon, dapat ipabakal sa public auction an bagay na nakua sa laog nin walong aldaw pagkatapos na ipabandillo.

Pagkaagi nin anum na buran na daing kagsadili na nag-claim, an bagay na nakua o an valor ninyo bagay con pinabakal na sa public auction, itatato sa con sin-o man na nakakua.

Note:
Sa irarom nin nasabing ley, totoo an kasabihan na "finders keepers" kung nasunod an mga proceso na nabanggit.

Part 3

HAPOT: Obligado man daw an kagsadiri na taw-an nin reward so tawo na nakapudot o nakakua?

SIMBAG: Articulo 720 Codigo Civil nin Pilipinas:

Con an kagsadili nag-claim sa laog nin anom na bulan matapos ipabandillo an napudot na bagay, OBLIGADO na bayadan nin reward so nakapudot o nakakua nin halagang 1/10 (one-tenth) nin valor o presyo nin bagay na napudot o nakua.

Note:

Ibig sabihon, an pagtubod na "dios mabalos" sana pwede nang reward sa nakapudot bako man na totoo sa irarom nin ley na nasabi. Kung medyo kuripot so kagsadiri, so nakapudot o nakakua pwedeng magkaso para maitao saiya an dapat sa irarom nin ley na nabanggit.