Catanduanes Forum

Sa mga masunod na aldaw, sakuyang i-share sa gabos an mga diit na bagay bagay manungod sa mga legal na kasimbagan sa mga kahapotan na pagkahuna ta daing ley na mina-apply.

Sa ibang tataramon, legal trivia na applicable sa mga kaso na pambarangay.

Part 1

Harimbawa so kapitnahay mo igwang tanom na mangga. So sanga naglaog sa saimong kudar (fence). Nagkataon na kadaklan na bunga asa sanga na nakalaog sa lagwerta mo.

An hapot: Pwede mo man daw kuwaon an mga bunga ninyo sanga nin mangga na nakalaog sa lagwerta mo?

An simbag: Segun sa Artikulo 681 sa Codigo Civil nin Pilipinas (Civil Code of the Philippines), dai ka pwedeng kumua hanggang dai nahuhulog nin natural an bunga sa daga nin lagwerta mo.

Sa ibang tataramon, halaton mo mun-ang mahulog so bunga sa daga mo bago mo kuhaon.

Note:

Base sa ley na nabanggit, si Juan Tamad baga na nagharat sa irarom nin puon nin bayawas na mahurog so bayawas sa saiyang kimot pwede pa man na kasuhan nin panghab-as (pagnanakaw) ta dapat mahurog mun-a sa daga so bayawas bago niya kuwaon.