Catanduanes Forum

Nakadismaya ang nangyayari uya sa satuyang isla. Nahihiling mo ang tawo na ringaw ang gabos basta kwarta ang hulon. Kang nakaaging eleksyon, maski anong sabihon, nagbaha ning kwarta. Mala ngani ta sagkod ngonyan, puno ang saod, ang century, fortune, asin iba pang tindahan. Bago mag bolotohan, grabe pa ang nanaltag ning kwarta sa bilog na Catanduanes. The highest bidder wins. Iguwa pa ning mga ward leaders na pig taw an ning ipanaltag, pero nanghinayang siguro na itao sa iba, kaya pigsadili na sana. Bako man sanang mga kandidato ang buwaya, halos kadaklan alog na kaini ang nangyayari. Iguwa ngani akong nabalitaan na salong pulitiko ang nagtaltag man, pero, sa dai maintindihan, su mga ward leader, dai na daa pigpa abot sa tawo ang grasya. Su iba, pig chop chop, ta su 500, nagi na sanang 300 o 200 na sana.
Ga hagad kita ning malinig na eleksyon, pero, ang mga botante ang mga maati. Dai ta pag basolon ang mga pulitiko ta kita man sana ang rason kang piga gibo ninda. Garapalan na ngonyan. Dai ng mga supog! Maski sadili mong tawo, na pigapakaon mo, traydor na. Igwa pang nanakot sa botante kung dai mo bobotohan.
Grabe na ang nangyayari sa Catanduanes. Pag ika pulitiko, dai ka na magpakaon, magtao ning imo balang piyesta, o kaya alak, o kaya mag attend ning coronation. Siguradohon mo sanang igua kang 2 thousand hanggang 5 thousand na itao mo sa balang tawo sa Catanduanes ta gana ka na. Itao mo sa talagang piga katiwalaan mo, na dai ka lolokohon, ta minsan, pag tinao mo sa Mayor, ang isabi sainya sana itong imo, dai ka kabali. Pilion mo pati na ang mga ward leader mo, midbid mo ang pagkatawo, buda maka abot sa tawo ang imo, ta ang iba, piga keeping na ninda para sa sadili ninda. Ang 300 thousand, para sa salong ward leader, tiba tiba ka na.
Pero, ang konsensiya ning mga tawo ngonyan, baging manhid na kang tinaw an ning 1,500 kada botante. Kung igwa ka pa sa ibong, gaabot ning 3000 kada tawo. Hamak pa an. Kaya ang Bazaar, Century, Fortune, asin iba pang groceries, kung mabakal ka, dai na minsan ning laog.

Alog na kaini ang Catanduanes ngonyan. Sain na daw kaini mapunta ang islang ini? Palubog na siguro. Kahilak man ning Isle of the eastern seas...