Catanduanes Forum

2000 kami nagparibod nin akong pamilya after years nin stay overseas. Siempre nag lawir-lawir kaming pamilya, kaiba namo si Mama Aning (my mother in-law). Punta kami sa itaason nag bisita sa mga kapugtuan sa Tokyo, Lourdes, Tabugoc, Marambong, Layog Bunga (sa nag ampon sa ako), buda sa Baldok.

Medio nahorhaponan kami ta grabeng hinapitan. Puno-puno yo akong sasakyan nin nga doma, langka, kalibo, bonuon na manok. Yan asa atubangan nin sasakyan si mama. Yo akong pamilya asa likodan.

I am known to experience "supernatural occurences" sugna pa nin ako bata. Sado ako sa mga doubting thomases. Mai ako ninyan nanobod. I try my best to explain things philosophically/rationally. Pero yan gabos na nangyari na mai ko na e-explain, una iso na yon... Baro. In short babaroon ako. Madiag man ta mai pa ako inag baro nin ga solo-solo ta ay nana... matitigmaok ako yan nin wara sa oras. Kun akok pati natatakot... siguro ako yan ka purpaspasing dumaragan! Kahehelak ninyan Olympic runner sa ako kun ako natatakot... makaon siya to nin ta'pog!

Ninto ka, siram-siram nin akong pagmaneho ta gayon-gayon baga dian sa ikan nin hiyop! baga ako asa kalangitan! Ga turtaghoy pati ako nin bayang magiliw! inano.

Taga baras ako to! kaya mai ko man aram yan mga lugar na ikan nin el pidio, man to. Ninyo ga logdog na kami sa hiyop papuntang pandan, medio ga surnok na yan ardaw. siram na nin hangin! siram mag drive. aram ko ga lawoy-lawoy na si misis nin idadrive ta siram-siram nin among iga agihan.

pag abot namo sa kambanase da yon, naaraman kong kambanase paran yon tapos na buoy, ikan nin medio likoon na palusong na ikan nin spill-way na ikan nin ga banak-banak na siram-siram na tubig.

di iso, ninyo ga liko na ako, mga 10 metros bago yo spillway sa baba, biglang mii nakadiretso yo akong sasakyan. Baga ikan nin volleyball net na mii ko natatanaw, ta mai man ga tunong yo makina, pero mai ako naka asba. Paga butsi ko yo silinyador mina atras kami pataas, ta mara ga lusong. Kangangalas.

Yan akong promerong paghuna ikan nin dakurong bato na nakasagang sa rueda. Di atras. hmmm... baga mai man nin bato ta madiag man yan binder ninyo tinampo. Otro silinyador. Paga abot doon sa same na lugar talagang mai nakaasba. Ibingan tuyan... ahin yan batong yan?

Baba ako, tinanaw ko sa irarom. Na.. una mai man lamang nin tibaad. he he he medio tinablan na ako nin gilabo. Aram ko si misis namate naman ta aram niyang babaroon talaga ako. Ga gulogulo pag kilingi ko.

Diretso nangman ako, ninto medio dinoonan ko yan selinyador nin madordagdiag. Pero ga ingat man ako ta yan huhurugan namo, ay tang tiban, Kararum na kina'niyang yan! Doon nin silinyador... Mii nang mana! Rabiadong to!

Atras ako otro... paspasan ko na... na uy... paspas man yo pugor. Sabi ni misis mababa daa siya ta sia yo matanaw. Uy kalokohan, matatanaw pa niyang mai man lamang nin kun ano, mangga ka takot pa yo kabataan.

Naka sobrang sampuro daa ako nin atras abante sabi ni mama pag abot namo sa pandan.

Una ga durom na, adon pa kami... a... iga loko na si dabid... medio naunga ako nin kadagi. Paspasan ko ka pa atrasa otro. natanaw kong namogor na nin pwerte yo akong mga pasahero buda mga silensio na! Paspasan ko pababa! Mii pa! madungog ko na si mama mag dasar na nin Minatubod! Na'niking... gilabohon ako.... Ay kang Bana, Madurom na to!

Minakadasari si mama, ikan suminaldang na ilaw sa likod. Truck. Baba si Dabid! Pakimahelak ako don sa drayber na banli kami nin sasakyan. Madiag ta truck paran ni Helen ni may Duling. Buda yo mga adon ga sir sa ako.... mga estudiante ko paran sa CSC... he he he.... mii sana ako nag estorya ta kasusupog baga, mantu irog!

Sabi ninyo driver yo sado niyang pahinanteng driver na sana yo ma drive ninyo akong sasakyan. Una adon ako to sa truck. Mii na nag bwelta si kaka mong dabid! kuros baga yo mga mi dapat kumuros... inano abel!

Baa... matanaw ko yo akong sasakyan, duminaragan nin miing kaporproblema pa baba... ha ha ha

Pag abot namo sa baray, nang lulumsi pa si mama... kilingan baga ako dian ka tarmi nin... ay, uy dabid mii na ako saimo maga iba kun arog ka ninyan!

ha ha ha...

Hingoraban, na el pidio si mama. ha ha ha

Dave L. Templonuevo, Jr.
2510 E Lincoln #203
Wichita KS 67211, USA
davetemplonuevo@gmail.com
(316) 518 6396
http://davetemplonuevo.blogs.friendster.com/dave_templonuevos_blog/